|
||||||
|
夏日炎炎，上週室外溫度高達攝氏 三十五度，人人想「玩水」，二十八歲的陳泓斌（Dennis）最開心，因為他既是潛水發燒友，也是「水底」生意的老闆。去年他夥拍逾二十年潛水經驗的鄧錦 榮（榮哥）及一位朋友開潛水用品專門店Blue Lagoon，並同時開辦本地及外地潛水班，將季節性的潛水生意發展到全年無休，上月盈利達十二萬元。 上週六清早八時半，西貢碼頭人頭湧湧，不論男女，皆手拖旅行喼，裡面載滿潛水衣、呼吸管、蛙鞋，等船泊岸。載他們出海的船上，橫放着一罐罐氧氣筒，沒有帶 私人「架生」的人，亦可即時上船租借潛水用品。Blue Lagoon總教練榮哥、兼職教練及十個學員陸續抵達，「暑假幾乎每個週末都出海，呢項聽起較冷門嘅活動，其實好多人鍾意玩，單單西貢碼頭，週日就不斷有 人出出入入去潛水，走咗一批又一批。」榮哥笑嘻嘻地說，炎炎夏日，生意額增加三至四成。去年成立的Blue Lagoon，位於銅鑼灣波斯富街樓上鋪，店內五百呎空間，放有一張長沙發，這裡是潛水用品零售點，亦是潛水學生的聚腳點和課程報名處，「啲客潛完水好想 同人分享，落到水底無得講，所以我哋提供場地俾佢哋傾吓偈，交流吓。」負責宣傳的Dennis稱，提升人氣對鋪頭非常重要，而且不能「夏天收埋冬天柴」， 所以要努力改變潛水是季節性活動的慣例，全年無休。 春三至六月搵贊助平價招新手 每年三月，香港水溫開始變暖，Blue Lagoon就開始密鑼緊鼓宣傳潛水體驗班，主力攻入無潛水經驗的新手市場。體驗班是一對一形式，教練在水底緊捉學員手臂，控制其潛水衣浮量帶領他到三至 四米深海底，遊歷海洋，探索珊瑚、小丑魚等。「佢哋上完體驗潛水，覺得鍾意，就會好自然搵番Blue Lagoon上堂。」榮哥謂，每二百人當中，約有三十至四十人繼續學潛水。公司開業才一年多，在行內屬新丁，為提高知名度，他們從價錢入手，「坊間體驗潛 水，收費由八百至一千元，我哋以半價四、五百蚊吸引人，之後再諗到上門搵人贊助，收費可以再平一半。」Dennis稱。他們先註冊一間非牟利公司，並撰寫 一份名為「發現‧藍」海洋保育計劃書，為海洋公園保育基金籌款，條件是參加者必須出席海洋公園海洋保育的講座，再由Blue Lagoon教授潛水知識，此舉既可降低成本，又能建立保育形象，「每次出海，我都叫人唔好扔垃圾、唔好用梘液喺船上沖涼，甚至唔好食魚翅。」 Dennis稱。他們又透過Facebook、單張等宣傳「發現‧藍」計劃，讓更多人認識公司，參加人數由去年一百四十人增至今年二百五十人，兼有四百人 輪候。Blue Lagoon也四處找一些銀行、金融公司等商業機構合作，「好多大公司會撥錢俾員工培訓，訓練合作性及默契，我哋有時會提供package俾佢哋參加。」 今年頭，Dennis在馬來西亞詩巴丹島（Sipadan）潛水時，認識了一名當地華僑，協辦「國際潛水小姐大賽」，為香港區選拔賽提供潛水培訓，變相為 公司免費宣傳。 夏七至九月上堂培訓力谷旅行團 七、八月為潛水高峰期，榮哥等人一星期七天無休，週一至週五夜晚教潛水理論班，週六、日出海教潛水，「早前儲落啲客人，上課時間排滿咗七、八月。」目前 Blue Lagoon主打世界最大發牌組織PADI的潛水牌照課程，課程分八個級別，收費由二千六百元至七千元，包理論課及兩天出海，其中較受歡迎的初級PADI 開放水域課程（Open Water Diver Course），收費約三千六百元，包括出海前泳池培訓、練習揹着裝備在水底活動。榮哥謂：「好多潛水店都提供教學，呢行競爭好激烈，有時為咗鬥平，二、 三千蚊包理論及潛水訓練，但連泳池都唔去，海邊練吓就算數，我唔想做到咁。」Dennis又設計用防水紙做的Log Book（潛水手冊），送予潛水員紀錄潛水深度，「裡面寫埋打風落雨聯絡方法、交通路線、潛水知識、備忘等，令人感覺體貼。」每次培訓，Blue Lagoon皆聘請兼職教練，務求以一對二至四個學生，進行小班教學，「我會聘請資歷深嘅教練，佢哋儲落一班熟客，可以帶來更多客源。」由教練帶來學生上 課，學費由教練收番，Blue Lagoon負責提供書本、租借儀器及練水泳池，以學生人數計，每個向教練收取二千元。正當公司開辦的課程時間排得密密之際，Blue Lagoon亦已開始安排下一季的生意——冬季海外潛水團。榮哥全力打理Blue Lagoon本港業務，海外潛水團則聘請了擁有「黑帶」潛水級別的訓練官Keith處理。他先親身到不同地方的潛水中心及度假村聯絡，回港後計劃主題潛水 行程，由於潛水店沒有旅行牌照，公司會代客人向旅行社訂機票及酒店。 秋冬十至十二月主題潛水避寒冬 主題潛水旅行團包括前往位於菲律賓南部的當素（Donsol）追尋鯨鯊、到湯加（Tonga）觀賞座頭鯨等，由於Blue Lagoon早在暑假期間宣傳，儲落一批報名人士在冬季出發，保證生意源源不絕，「好似上癮咁，唔好俾佢哋的興致停，夏天玩完會想出外睇吓。」旺季時每月 平均一次的宿霧、印尼短線遊，冬天期間會增至每月最少兩次，每次逾十人，主要是新手參加，「佢哋經驗唔多，想跟住一個信得過嘅人陪埋出外潛水。」短線遊地 方競爭大，利潤亦較少，Keith稱，例如今年舉辦到斐濟附近的一個島國湯加觀看座頭鯨，先乘搭十小時飛機到斐濟，再坐兩程內陸機才到達目的地，十日八夜 行程約需二萬四千元，撇除機票，Blue Lagoon與當地度假村拆佣，收一成至兩成的轉介費。因此Blue Lagoon不斷找新的及位置偏遠潛點，「潛水點同平時旅遊區唔同，人較少，主要玩潛水活動。有啲初學者想喺海外學潛水，要求教練同行教授，亦會額外收學 費。」近年流行水底攝影，Dennis拍下不少海底美景作生招牌，除了吸引潛水人士隨團外遊，亦增加購買水底攝影器材的意欲，一舉兩得。 現時，公司最大的收入來源為教學，佔六成，二至三成為旅行團，其餘則為零售業務，「教學有四成利潤，但賣潛水用品只有一成。」Dennis稱，聖誕節、復 活節最多人光顧裝備，店鋪現有數百款潛水用具，入貨時會因應客人需求訂貨，例如蛙鞋只選取不同顏色入不同尺寸，減低存倉壓力。Dennis早年在澳洲畢業 後留在當地工作，一次偶然機會參加體驗潛水，已深愛上該項運動。回港後，他學潛水教練課程，遇上了擁有逾二十年潛水經驗的榮哥。榮哥早年曾經營潛水用品 店，遇上沙士結業，後來移居加拿大。Dennis見榮哥經驗老到，一拍即合，聯同另一名朋友Kelvin一起創辦Blue Lagoon。「潛水以前停留喺中產人士活動，而家學生、六十幾歲婆婆都會嚟玩，五千蚊已可以執齊成套裝備。」Dennis笑說。 開業資料（04/2010） 租金*：$60,000裝修：$100,000宣傳：$30,000入貨：$250,000雜費：$30,000總投資：$470,000*兩個月按金，一個月上期 營業資料（07/2011） 營業額：$400,000租金：$20,000入貨：$200,000宣傳：$5,000人工*：$45,000雜費：$10,000盈利：$120,000*兩名全職，一名兼職 |
||||||