|
||||||
|
九肚山土地拍賣，幾乎收回，拍賣官幾經催促之下，信和、嘉里及萬泰合資集團以一口價五十五億元買咗，樓面呎價五千三百三，計埋建築費都會去到七千零蚊一呎嘅，平過「駿景園」二手樓，更不如信和嘅「御龍山」，呢個土地價格，相信令好多專家跌晒眼鏡。 本 欄在七月十日講「破壞九肚山」，指發展局規定呢幅位九肚山嘅地皮興建「限量樓」，在總面積一百○三萬一千平方呎內興建不少於九百七十個住宅單位，係破壞九 肚山。八月九日拍賣之前，有測量師指限量樓會壓低地價，再加上美債歐債風暴，呢幅地皮難以期望過高，但點都諗唔到卒之只會有一個集團舉手，以一口價（底 價）成交嘅。 左丁山原則上唔反對限量樓，但認為要在適當地區興建，九肚山叫做係新界最出名嘅豪宅區，交通不便，冇巴士到，附近無任何公共設 施，新地皮又位於荒山，由地盤位行馬路落山，去到最近嘅駿景園商場，起碼三十分鐘，長者行唔掂，婦孺會行得好辛苦，住在咁嘅地方，最好揸車出入，外傭由司 機接送去禾輋街市啦。但如果在此買入五百至七百呎嘅單位，有冇咁豪呀？簡直係大錯配，浪費土地資源。 限量樓、限呎樓之合適地皮，應該係西鐵 南昌站上蓋，呢度附近有大量公屋，交通方便，若要建三四千個單位，平均面積五六百呎左右，必定大受小市民歡迎，反之，在沙田麗坪路之九肚山後山買入一個五 六百呎單位？唔駛返工返學呀？香港公僕做老闆之後，不識規劃，九肚山地皮係最新例子。 不過九肚山地皮拍賣不如理想，可能正合政府意思，樓價 倘若因此而受影響向下走嘅話，曾特首承受之高樓價政治壓力，有望減輕，何況歐美金融風暴吹走咗十幾萬億港元之股票市值，令大富豪都要暫時手緊，豪宅價再難 掃得起，如果全球股市跌回至○九年低位，令地產市道不景，再要政府打救嘅話，曾特首仲會成為英雄o忝。 |
||||||