|
||||||
|
青姐在蘋果日報 專欄日日鬧滙豐之「黑池交易」計劃，乜咁好火氣呀？呢日碰到青姐，以此問之，青姐話：「散戶對黑池認識甚淺，叫佢地做黑池交易，等於古語一句：『盲人騎瞎 馬，夜半臨深池』，跌落池浸死咗，都唔知發生乜嘢事，我心為之危，先至係咁寫啫，明知得罪人嘅嘞，後面有唔少人抦我，好彩我夠大隻，捱一兩搥，暫時冇 事。」 既然青姐講得咁牙煙，點解證監會大開綠燈嘅，唔通韋奕禮呢位人稱打虎英雄走咗，證監會真空，滙豐於是搞掂咗？哦，打多幾個電話周圍八 吓，問吓人，卒之有人肯透露，向滙豐放行嘅，唔係邊個，就係韋奕禮，呢位「英雄」臨別秋波，返英國就任新職之前，喺三、四月之間就批准滙豐為散戶設置黑池 交易，滙豐行政總裁歐智華長駐英國，唔學紀勤咁搬來香港，在倫敦碰到韋奕禮嘅話，唔知會唔會向韋奕禮講句多謝呢，或者講句多得你唔少？ 唔少 消息人士都係睇報紙先至知道滙豐獲得批准，嘆一句洋人好識得保密，但有必要之時，洋人又好識得放風，故此唔少關於證監會之事，往往係「金融時報」先知先 覺，譬如FT在上星期五透露，Ashley Alder（歐達禮）接任為證監會行政總裁，本地中文報紙如夢初醒，向政府查詢，政府先至講會即將宣佈，政府似乎好被動噃，全世界都知道嘞，特區政府仲要 擇吉（八月一日）公佈？唔怪得王光亞話啲公僕做咗boss之後，唔識做老闆，仲係俾昔日老闆階層牽着鼻子走。歐達禮呢招叫做先發制人，消息通天之後，特區 政府夠膽否認乎？唯有死死氣搵日期公佈，不敢有最後一分鐘嘅改變啦。
接近北京消息人士講，中央未必鍾意香港重要公共機構職 位由洋人出任，但特區政府不懂體會領袖苦心，陶醉於國際化，以為國際化即是要搵一啲國際猛人做重要公共機構之首，繼西九總裁之後，有地鐵總裁，現在又有證 監總裁由洋人出任，是故王光亞「有感而發」，先對國僑辦香港代表，繼對香港大學生代表，連續兩次講香港公僕唔識做老闆。 |
||||||