|
||||||
|
最近老牌證券公司新鴻基有賣盤傳聞，當然冇人會證實住，多數都係空穴來風，事出有因嘅啦。新鴻基證券由馮景禧先生創辦，曾顯赫一時，馮先生仙遊後，先至走下坡，其後接班人馮永祥將公司股權售與李明治，舊人星散，新鴻基現在當然冇咁威風。 呢 日碰到新記全盛時代與周文耀共事嘅股票Lo，做股票而姓Lo，自不然好易俾人叫做「股票佬」！大家好多年不見咯，見番講起原來佢已貴為全世界最大期貨交易 所之駐港首席代表，負責中東及亞洲業務發展，推廣期貨、期權等衍生工具，譬如韓國股票指數期貨KOSPI Index，當首爾收市後，法蘭克福嘅Eurex就會在香港時間下午四時接手，繼續有交易。 香港窩輪市場係世界最大，但整個衍生工具市場， 以韓國最大，股票L話韓國散戶佔市場九成，最喜歡買賣期權（options），KOSPI 期權一日成交可以高達一千萬張，十分驚人，香港難以望其項背，但香港係國際三大金融中心噃，點可以咁落後於人？唔怪得港交所行政總裁李小加猛話要加緊金融 基建，延長交易時間，與中國及國際接軌，增加金融產品等等。股票L話：「做硬件建設唔係太困難，有錢就易辦事，目前我地覺得香港缺乏衍生工具，例如期權嘅 專業交易員，識得做莊家開價嘅交易員，一啲歐洲交易商想話來港開業，就發現呢方面人才少，請人困難。」如何解決呢？股票L真係有心人，佢在一九九○年於中 文大學得到兼讀MBA學位，於是搵埋中大商學院合作，在火車站旁嘅教學大樓（鄭裕彤樓）開設一個實戰模擬實驗室，內裏裝置直情與銀行/證券商嘅 Dealing Room一模一樣，最大嘅成本就係實時訊息資料（real time data），由湯遜路透與彭博供應，整個計劃由Eurex與中大商學院牽頭，金融界反應熱烈，得到不少贊助，有三十幾名學生（計量財務學）在內接受訓練。 股票L話：「搵贊助費用都唔難，難在搵人去教，好彩卒之搵到一啲在職專業交易員做兼職教授，佢地都肯為培養接班人而努力，願意犧牲時間。一位學生已經獲選 去法蘭克福實習半年。」呢個金融實驗室在香港獨一無二，世界上亦唔係間間大學有，學生出路一定不愁。 |
||||||