|
||||||
|
上星期日蘋果馬 經版報道香港賽馬會在廣東從化興建馬匹訓練中心，內有四條跑道，預計在2014年5月啟用，一條跑道係全長一千二百米嘅上斜跑道，每一百米就上升1.5 米，最高點係十五米，最後二百米係平地。先前，馬會派員與蔡約翰、告達理及鄭雨滇到日本考察，實地策騎試閘後，認為有用喎。 昨日講日本人教 新馬，極有心機，慢慢調教，直至滿意為止。有心機啫，都要有設施先至得o架，香港賽馬一年為政府進貢百餘億稅款，創造不少就業機會，但特區政府只識收錢， 只識成日向馬會「撳錢」打心口以贊助不同政府主辦嘅文化藝術活動，但到馬會向政府申請土地興建練馬場，特區政府就詐儍當聽唔到，連在商場死角位、冇人肯租 用嘅店舖開設投注站，政府都唔肯批准。如果唔係，馬會駛乜考慮走到去從化興建練馬設施，令馬主與練馬師不便呀？ 日本政府就唔同，大力支持日 本競馬會（JRA），競馬會就大力支持日本輕種馬協會（JBBA）。呢兩個機構其實係日本農林省屬下嘅獨立運作單位，受農林省監管，每年從競馬（賽馬）投 注額稅項撥款支援。JBBA在北海道培育種馬之餘，還有一個「日高育成馬場」，離靜內約個半鐘頭車程，柳尾課長揸車帶左丁山與肥仔Ｋ去參觀。北海道真係一 個避暑好地方，夏天夠凉快，沿着太平洋海岸向南行，右邊驚濤拍岸，左邊青山林木，將近到埗時，右邊見到大草地，行車近十分鐘仍在草地範圍內。登上山坡向下 望，柳尾課長話整片大地近200公頃，皆係練馬場，有一個環形室內跑道長八百米，兩條上斜膠沙跑道各長一千米，還有幾個室內馬匹踱步場。柳尾課長話所有設 施租俾牧馬場使用，每日只收租五百日圓，平到我地唔信。咁多室內訓練，係為咗冬天冰雪厚兩米之時，練馬仍可繼續，在夏天，周歲馬可在室外訓練或在大草地上 放草，享受大自然。我地睇完，非常佩服，唔怪得香港馬會在從化興建類似設施，要先去日本取經。次日，澳洲獸醫Ｒ亦去「日高育成牧場」參觀，返嚟後對左丁山 講：「服晒，日本政府咁支持種馬，澳洲望塵莫及。」 |
||||||