距離美國8 月2日債務違約期已不足一個星期，美國領導人仍在債務上限的問題上爭執不休，令全球市場蒙上陰影，美國媒體引述中國官員私下講的疑問，點解美國政客搞債務 危機如細路仔在後花園玩泥沙? 美債危機搞到金融市場震動，美元急挫，美股第二天向下，杜指跌92點，收12501點；標普500指數跌5點，造1332點。大市成交異常清淡。杜指期貨 最新報12440，較現貨低水61點。 港股美國預托証券收跌，ADR指數報22438點, 比香港低134點。礇控收77.7元，比香港低0.4%，中移動收77.6元，比香港低0.7%。 其實美國民主黨和民主黨兩黨爭拗不休的提高美國債務上限與減減少赤字，兩個問題原本並不相關，直至2010 年美國中期選舉後，兩者才糾纏在一起。共和黨睇到英國保守黨靠削赤口號上台，在美國中期選舉中有樣學樣，結果大獲全勝，主要原因係「食住」近年來美國選民 對政府巨額債務表現得十分關切呢條水，在競選時承諾：在不提高稅率的前提下大幅度削減政府開支。其削減開支的主要手段是削減福利。反觀執政民主黨走基層路 線，則主張對富人增稅，以增加開支，而非削減福利。 在2012 大選年臨近之際，雙方各持己見，不想失信於各自選民，著眼於明年的選舉利益，實際上是以政黨選舉利益淩駕於國家的整體利益。奧巴馬則提出削減開支、增加稅 收、改變福利的折中方案，試圖取悅中間獨立派選民，但結果係兩頭都唔討好。令問題更加複雜的是，共和黨提出分段提高債務上限，8月2日前提高一次，明年再 提一次。即係話，同樣的遊戲，明年選舉前再玩。 不過，市場遍認為美國政客唔敢✈起因美國違約，引致全球金融一塌糊塗呢隻鑊，最終會以白宮高級經濟助理斯珀林昨日所講的兩黨在「最低限度折衷」下達成預算協定。我估都係呢個結局，發生的機會約80%，無協議要債務違約的機會只有20%。 另一個令市場憂慮的反而係，兩黨急就章達成的有限度協議，所提出的減赤幅度均遠遠低過評級機構標準普爾要求的10年削赤4萬億美元，這是標普認為美國保持AAA最高主權評級的標準，達唔到有降級風險。不過市場普遍認為，降級好過違約。 美國債務上限的談判無突破，美元備受打擊，兌六隻主要貨幣的美匯指數下跌至73，歐元兌美元升上1.45美元，日圓兌美元突破78日圓。美元向下亦推動大宗商品市場造好，紐約原油一度升穿每桶100美元，金價在1620美元上方徘徊，銀價亦升穿每安士40美元。未來幾日，仍然係波濤洶湧的日子。 講番早兩日的話題，我叫網友檢討過去5年買股的表現，發覺部份人回報追不上恒指的升幅，如果炒作唔掂唔出奇，但有部份朋友話投資都唔高回報，打唔贏天天說「現金為王」叫人唔好買股的網友Johnny，那就值得深究。 網友「Eric-沒腳鳥」話：「過去五年就像吃了驚風散，我第一個買的股票是地鐵(66)，現在還持有。然後期間也買了很多好股，但不懂得珍惜，e.g. 2元樓下的中國海外，財險，3元的江西銅，5.5元的中人壽，但都不懂得珍惜過早賣了。」 佢話：「所以我是一個不合格的投資人。在07 年牛市是最多賺3倍利潤（eg. 1200 從4.5升到13.x, 1072由25升到80，44由60升到180），後來因為在大陸發展生意，都沒有拋，到08年最低點時虧50%，到09年返來 了，賺50%。期間股票完全沒有買賣。所以股票的valuation system 是有問題的。10年的時候因為要在大陸買樓，拋了很多股票。剩3333，66。之後可能改為被動投資，就是月供股票。綜合來說，投資可能是得個桔，打 和。」 另一網友kawaing 話:「2006、2007年，我已經玩IPO，之後讀左好多財經書(包括投資投機書)就認為都係做一個笨投資者易成功D(因為以前任何一個價位買大股到最 後都賺到錢)，覺得投資要買得平, 當時睇完中行年報，認同主席的話, 有好好前景，3988係好扺,大約4蚊 係香港又有2388，可以發揮協同效應息率又高，打算毎個月買一手。」 「不過升到上27000 點(07年)已經覺得貴就沽晒所有[email protected](全倉)只玩IPO(雖然有錢賺到, 不過中行其實好落後，個市日日升個心其實很失望,重要升到上32000重要個個睇40000。不過我都無買。回想其實心掛掛真係好難捱。終於跌返落 24000就開始買返3988。點知中行愈跌就愈覺得平 (好貪心，買始跌時毎跌10%就買2手, 到3蚊樓下反而無咩錢，平都只可以一個月買一手) 平均價都要3.4，2011年又係3.5…不過好處係知道佢唔會執，唔會係低位沽)」 「金融海潚時18000 點開始買埋大陸地產股, 買係因為覺得大陸會好似香港咁, 做地產會發達，點知壞消息極多, 話佢地借貸比率近100%資金鏈要斷。當時買瑞房由3蚊買到落1.4, 係因為新天地品牌, 平均價2.2, 點知都一反彈到1.6就跳左一半水, 2蚊盡沽, 蝕左好多呀。而家明白止蝕超級重要，同埋市場消息係可以左右股價，行先事實好多, 但係你又唔知幾多，而我見到股價跌會令我最終相信市場是對的, 可惜係我相信市場果一刻左右個市就見底。」 「經過金融海肅的教訓，我調節左買股，買強勢股, 愈升愈加注，睇係咪一浪高過一浪，睇係咪收陽燭，不過中途買左SOHO, 招行,騰訊 都只係買中過1隻保利協鑫同中國建材, 中國建材係年頭15蚊買20蚊沽左, 之後計返而家成34蚊，保利協鑫2蚊買到上4蚊, 平均價3蚊, 但係唔識止賺, 因為覺得跌10幾%係調整，20%先係4.5止左一半賺,跌穿4蚊盡，都唔知自己係投資定投機, 而家個組合連派息都係升左3%咁大把, 真係連盈富都不如。」 睇完Eric、kawaing仲有部份網友的經歷，由於只是片段記憶，又無講到當中有乜輸大錢的經驗(可能太痛無寫)，所以都未睇到佢地點解幾年只係打過和或者只有3幾巴仙回報，不過我都可以估下。 投機唔講，若散戶是投資，又跑唔贏大市，主要是在不適當時進出，輸鰦心理。我有一個觀察，股市年頭同年尾比較，可能升跌唔多，只是1000、2000點，但年中高位和低位比有5000、6000點，當中有幾個波浪高低點差距都有2000、3000點。即係話抽離鱓睇，股市波動好大，但增長緩慢，特別過去兩三年危機湧現各地政府加強干預市場是如此。 假設股市是一個波動為主的市場，好易得到答案係死坐無用，要進出，進出得法，本來死坐都10% 回報，進出得好可以有30%、40%回報。進出得好當然好，但係唔係人人可以把握得到。例如股票升10%走鰦，佢大再升，你開始唔睇，但佢升得實在太靚， 升20%、30%，好消息湧現，你又會覺得再入無問題，呢隻股我都買過，好熟，點知一買完就跌，原來摸鰦那一年呢隻股的頂位。個市要有足夠熱度，才會令沽 鰦的入番場接火棒，我過去有咁經驗，逢係新股熱到買親都贏，人人都想借孖展去抽時，都差唔多要軲一軲，但這偏是最多人入市的時候，走鰦都要番來。本來一直 獱住貨無沽可能好鱓，因為獱住無走，入貨價較平，有險可守。若中間走了，賺無賺足，輸就輸入肉。 同樣道理，股票跌就買，講就易，做好難。好似內銀股，你在佢跌20% 時下注，嘩，點知愈跌愈有，初時唔走，佢再跌。跌跌纒就傳出一鱓愈來愈大鑊的消息，地方債務平台，地產爆泡，五年唔好買內銀，總之愈講愈差。個個都專家過 自己，你慢慢就會信，高位唔沽，低位將持貨沽出。或者你好平買，沽仲有少少賺，但好易在最差時沽貨。例如你地引述那個叫人五年唔好買內銀的專家，我見佢個 倉不但有內銀，仲成手係國企，試問內銀唔掂，國企又點會掂，內銀生意有阿爺每年都加印15%、16%新錢頂住，內銀都唔掂，其他行業會唔會更差? 投資大師彼德林治叫人唔好睇報紙，信自己分析，星期日報紙無№寫，就會寫出好嚇人的頭條，睇完乜股價都唔想獱。遇到這些恐慌言論，第一句要問，呢間公司會 唔會執笠呢? 唔執笠盈利會唔會跌到無影兼過幾年都翻唔到身呢? 若然唔係，就唔好在人人唱淡時沽啦。 所以簡單總結一句，投資者要把握好時間在股市進出唔係咁易，進出唔係唔得，而係一種炒作技巧，配合嚴格的紀錄去達成。散戶受市場心理驅動，唔係事先有計劃進出，而係受市場氣氛影響去進出，咁就好易低沽高買。 真正要投資賺錢，要市場恐慌時才買，買要股份超值。要市場火熱時才沽，沽要沽到超貴，中間較大部份時間都係唔郁，咁樣易鱓抵抗市場的誘惑，一年食一轉都好夠，或者唔郁收下息等兩三年一轉的大浪。 投資忌太聰明，聰明仔太受市場氣氛左右。蠢人反應慢，有時更適合投資。只要買正好東西，長獱較有利，你睇Eric沒腳鳥買入上海徐家匯的房子，可能已好過哂股票投資了，買樓勝在唔易沽，唔會升少少就走鰦。在高速增長的經濟體，在不太貴的時候買入物業長獱，是笨笨地的投資方法，也是較簡單的對抗心魔方法。 陸羽仁