ZKIZ Archives


股災教訓官民 左丁山

2008-10-13  AppleDaily

環 球股災,散戶股民好容易變成住在「機構內」的投資者(institutional investor)或跳出視窗(jump out of windows),眼白白睇住自己啲現金流入坑渠,對住經紀(broker)講一句:「I am broke(我冇錢咯)。」經紀回應話:「最衰係誤信信貸評級公司,Standard & Poor makes you poor(標準普爾令你窮)!」算了吧,走入大熊當道嘅「注意熊出沒世界」,成為大熊點心便是。想想一九七四年,唔少股民入咗青山或者跳樓,歷史不過重演 而已。

見到國情專家L,問一聲:「國家坐擁一萬七千億美元外滙儲備,美國愁對十萬二千億美元國債,點解祖國唔出面救市,救吓A股、H股,順便救埋港股?」

專 家L話:「你有所不知,中央去年嘅政策係『教育股民』,今年嘅政策係『教訓官民』,明白未?」唔明噃,願聞其詳。專家L再解釋:「中央認為中國中產階級仍 然係少數,咁多中產熱衷炒股,必須教訓吓,等將來更多中國人富裕起來之後,唔會盲目炒股。況且炒股熱火會成為官商勾結、洗錢、貪污工具,高官識貪,芝麻官 識搶,A股大地震之後,呢排貪官先知道洗錢不成反遭套牢,慘過遊刑也。」

咁有深度嘅解釋,仍然難明。難道中央置股民於不 顧?專家L話:「中國股民大部份係將餘錢炒股買股而已,佢哋唔怕套牢嘅。短炒變長揸,一樣得,唔會死得人。但另外一批投機人士裏通外國,與外國資金合作, 引外資入中國,開人頭戶口炒股,佢哋套牢咗就會令啲外資慘受教訓。問佢哋以後敢唔敢再搞中國?」因有外滙管制,外資經非正式渠道入咗大陸,放在股票上,成 為「非流動資產」,適逢祖家要撲水應急,確實焦急到死,飽受中國式教訓。專家L話中國唔會輕易幫美國脫險嘅,幕後要傾妥好多條件至得,譬如中海油以前要買 UNICO,美國國會多多事幹,阻住唔畀買,現在仲唔趁機講明,以後中國要買邊一間美國公司,美國唔好再次阿支阿左!但又適逢喬治布殊已係全跛鴨,冇資格 應承中國任何條件,等到奧巴馬上台先至算啦!
PermaLink: https://articles.zkiz.com/?id=2594

Next Page

ZKIZ Archives @ 2019