ZKIZ Archives


栢芝帶仔返港長住「碌昆」九月開學

1 : GS(14)@2015-08-06 08:46:21

栢芝自從2011年同前夫謝霆鋒離婚,一直帶住兩個仔謝振軒(Lucas)及謝振南(Quintus)過住「遊牧民族」嘅生活,前年傳佢同仔仔移居加拿大,又真係生活咗一排嘅,跟住上年就同仔仔再去新加坡住兼喺當地讀書,更不時被網民捕獲野生栢芝,成日帶埋啲仔仔去行街街買嘢,昨日有周刊指,栢芝今次同啲仔返嚟香港停留,係因為栢芝決定由新加坡回流香港,Lucas同Quintus亦順利考入同一學校。據周刊報道表示,栢芝早年曾幫大仔Lucas報讀沙田ICS國際學校,當時張堅庭同鄧萃雯幫手,搵牧師幫Lucas寫推薦信,Lucas都有去面試,最終都PASS唔到,不過今次栢芝想留喺香港長住,又要仔仔Lucas入ICS,今次搵咗鄭明明幫手,Lucas終於成功入讀,與同Quintus喺今年9月正式開學,到時一家三口會搬番香港,據知,呢間學校唔止學費唔平,要入讀都唔係咁易。其實栢芝同霆鋒離婚初期,Lucas當時考到入香港仔加拿大國際學校,不過嗰陣栢芝心情低落,成日帶住兩個仔周圍飛,就連去拍內地外景都要帶住啲仔,2013年喺加拿大國際學校開學日就缺席,校方要求家長解釋,兼落最後報到限期,點知栢芝仲潛埋水,Lucas最後被取消入學資格。目前Lucas同Quintus順利考入ICS,栢芝都決定同仔仔搬番去舊居世紀大廈嗰個過億元單位住,出入安排司機接送仔仔,周刊又指,栢芝一直想搬返嚟,因為家人都喺香港,起碼有咩事都有照應,得閒又可以見下佢教會朋友,返內地做嘢,都可以返嚟見個仔。話晒早前有傳栢芝同大佢12年嘅內地富商孫東海過從甚密,今年初更被內地傳媒影到栢芝喺北京工作,喺對方豪宅住咗2晚,據悉男方係為咗方便栢芝喺北京及新加坡往返,先專程喺機場邊買豪宅,依家搬咗返香港,返嚟似乎更加快。另外,栢芝今年三月仲用咗佢個姓氏,加兩個仔個名嘅單字,成立「張南軒」慈善基金添!





來源: http://hk.apple.nextmedia.com/entertainment/art/20150806/19244934
PermaLink: https://articles.zkiz.com/?id=291962

栢芝帶兩子探關心妍

1 : GS(14)@2016-09-13 08:04:24

■張栢芝(右二)帶Lucas(左)和Quintus探望關心妍母女,栢芝還抱抱Jovia。微博圖片



初為人母的關心妍(Jade)現停工專心湊女,繼早前梁詠琪到家中探望小公主楊榮心(Jovia)後,原來張栢芝都帶兒子Lucas和Quintus探小公主,昨日張栢芝中文網官方微博合照曝光,身為兩子之母的栢芝熟手抱BB,更親手畫了幅BB油畫送給Jade母女。而主人家Jade亦禮尚往來,送了兩套figure給Lucas和Quintus,捧着禮物的Quintus興奮到擘大口,表情鬼靈精,十分可愛,至於Lucas就越大越靚仔,似足爸爸謝霆鋒,昨日Jade接受電話訪問說:「好開心呀,好多謝栢芝嚟探BB,亦預備咗禮物畀BB,好有心呀!」採訪:皓騫




來源: http://hk.apple.nextmedia.com/entertainment/art/20160913/19768739
PermaLink: https://articles.zkiz.com/?id=308915

Next Page

ZKIZ Archives @ 2019