| ||||||
英超最後一輪比賽，除已肯定降班嘅韋斯咸，仲有兩隊有機會來季同英超講拜拜，其中楊家誠旗下嘅伯明翰，嚟緊對手係熱刺，後者要同利物浦爭聯賽頭五名踢歐洲賽，一定好落力，唔怪得英國有博彩公司開出1.83倍降班賠率，係五隊仲有機會降班球會中嘅第三熱門。 冇 得踢英超有幾慘？損失至少3700萬英鎊（4.66億港元）電視轉播等收入，門票同埋賣波衫又會受影響，分分鐘加埋成十億港銀。可能因為咁，噚日伯明翰 （2309）股價最多跌6%，尾市雖然跌幅收窄，但收報0.218元，仍跌0.46%。波係圓嘅，當日聯賽盃都冇人睇好伯明翰，但最後打贏阿仙奴捧盃，股 價翌日最高升一成至0.275元。 楊家誠上個禮拜四喺場外以每股0.205元增持1.17億股伯明翰，持股量由23.3%增加到26.31%，唔知算唔算先用實際行動為隊波同間公司打氣呢又？ | ||||||