ZKIZ Archives


僭出個未來 葉梁美蘭


2011-5-12  NM




已宣布淡出ball場的行政會議 成員葉維義的太太葉梁美蘭(Mira),向來是ball場穿花蝴蝶,有她的出現,總為大家帶來不少驚喜,無論是配戴的首飾行頭、還是身上穿的ball gown,她都一絲不苟,當然,近年最矚目還有她胸前的一對湯碗胸。問她為什麼經常show身材?不怕作風低調的老公投訴?「佢有投訴,佢唔鍾意我性感, 明顯啦呢啲,但係橫掂都僭建咗,點解唔show 啫?」答得毫不忸怩。至於男人是否介意枕邊人的猛料身材是否貨真價實,她亦以當事人身份坦白話過你知。「老公話鍾意natural,但佢嘅生理反應話『唔 係』囉!」男人愛大胸

經常名牌上身、身上鑽飾閒閒哋可以買到架車的Mira,以為做了名太會變得難服侍,但做fashion buyer出身的她沒有因為做慣阿太而變得「身嬌肉貴」,跟她做訪問可以到地踎茶餐廳;拍攝期間,她會除掉高跟鞋,赤腳走落三層樓梯;說話沒有嬌聲嗲聲, 句句爽直。「我知道啲人可能會覺得我係搏見報、搏出位,其實我只係好鍾意影相,想儲自己啲相,想睇番我十幾年來嘅轉變。」講到轉變,除了服裝上,身材也來 個一百八十度的大轉變,由從前的「大笪平地」到今日的「高樓聳立」,未等記者發問,Mira已開口自爆:「橫掂都僭建咗,點解唔show啫?一係唔好僭, 僭咗我就showo架啦。但係我老公就話唔好show,唔好睇呀!我話我喺屋企,唔會著件gown俾你睇o架嘛,大佬!一係唔做,做咗就不如話俾人聽你做 咗,掩吓掩吓,觀眾眼睛係雪亮,你做咗、未做過,一睇就知。」○七年,Mira於美國以數十萬完進行僭建工程,由32B升一級為32C。在外袒胸露臂老公 葉維義當然不滿投訴,說穿了還是希望將其「私有化」。「佢話:『我鍾意張曼玉(身材),我鍾意natural。』但係男人嘅生理反應話『唔係』囉,天下烏 鴉一樣黑!我見佢有生理反應,我話:『喂,你講一樣做一樣喎。』佢咪喺度笑囉。」

Mira話人一世、物一世,她未試過擁有大胸,一生「平平無奇」,要非試不可,再加上一直以來她恨生仔,僭建可增加性趣,有助繁衍後代。「有時我覺得要變 吓,唔好成日blame啲男人去滾,自己都要『增值』o架嘛、自己要有變化,情趣係需要兩方面大家一齊去合作,你唔努力,咪由啲北姑搶咗去囉。」這幾年性 生活愉快嗎?她滿意地笑着說:「幾愉快、唔錯唔錯,所以話咪唔捨得(拆彈)囉!」但眼見有名媛疑因僭建引發腫瘤,令她有所躊躇。「佢嘅報導啟發咗我,佢好 勇敢、好誠實地講佢自己個病情、接受治療,佢講啲皮膚潰爛,我係咪想咁呢?我唔想。而家佢要食五年荷爾蒙藥,我見到好驚,即刻九秒九去拆!」Mira今年 二月決定先換後拆,「之前喺美國做嗰個係矽,而家換咗呢個(透明質酸)會慢慢俾身體吸收。因為我僭建咗咁耐,即刻縮嘅話,個胸會變咗一堆皮,所以要慢慢 嚟,呢個方法最好,慢慢縮,我就自然變番張曼玉,變番我以前嘅飛機場,所以我同老公講而家只係剎那光輝o架咋,哈哈。」

貪靚真性情

除了性感,葉維義亦不喜歡太太化濃妝、戴大眼仔、黐假眼睫毛,Mira說:「老公一滴(化妝)都唔鍾意,覺得唔似佢老婆。佢鍾意我打波、sporty,我 同佢夾係因為兩個都好好動,佢希望我變番一好動嘅人,唔化妝、著T-shirt牛仔褲,即係似佢囉!」但Mira認為出活動化妝是基本禮儀,「影相唔化 妝,真係唔該啦,我唔係十八廿二。」虛榮,老公亦不喜歡,說的不是買名牌,因為她LV、I.T、甚至台灣的109她都會買,其實只是不喜歡她貪靚。「佢 話:『我覺得你好咪得囉。』之前我係fashion buyer,我冇隱瞞過,我做得時裝我係好貪靚,你識我係咁,我冇變過喎。」話似樣樣跟老公撐到行,但其實她都遷就老公,例如葉維義喜歡飲紅酒,為了跟老 公多個話題,不喝酒的她亦特意跑去學;老公看似專制,但其實亦給她很大自由度,從來沒阻止她出席任何活動,而且但凡她有份當搞手的ball,早睡早起的葉 維義亦俾面撐場,雖然會嚷着:「幾時走得呀?我好肚餓呀。」

其實ball場這些地方,對於男人來說,都只得個「悶」字,皆因一堆名媛圍在一起,感覺不是講是非就是八卦,是以一直以來都覺得ball場假人多、是非 多、跟紅頂白,曾幾何時Mira都是這些是非的主角之一。○六年七月,傅明憲丈夫葉劍波的海域集團爆煲,經常與傅明憲行孖咇蒲ball場的Mira立即反 面不認人,好姊妹從此斷交,「好多人話我嫌棄佢唔係名太、佢冇靚衫著我唔同佢一齊,其實係因為我個女。」原來當時葉維義是海域集團的董事之一,加上二人 「情同姊妹」,難免殃及池魚。「你知我最緊張個女,我幫佢apply咗好多club,譬如我想佢打golf,apply哥爾夫球會同country club,因為呢個污點,全部將我個女嘅申請彈走晒!我係咪㷫呀?同埋我老公名譽有損,因為佢成個record係clean。我唔係嬲傅明憲,我係嬲成件 事,我係嬲我個女點解俾呢件事牽連到,況且係我介紹葉劍波俾我老公識,我覺得我自己有責囉,傷害到我老公、傷害到我個女""」

事隔多年,葉劍波已被判刑,作了一個公平的處理,加上他已與傅明憲離婚,Mira說希望時間已沖淡一切,「佢(傅明憲)好似有個新拖友啦,睇得出佢好開 心,我希望佢好,如果喺event上撞到,我會主動同佢打招呼,佢接唔接受係一件事,我講我而家冇芥蒂,如果佢有芥蒂,我冇計。」

五癆七傷

穿梭ball場十多年,Mira經歷過最火紅的年代,說是時候淡出,她不否認ball場質素下降,是她淡出的原因之一。她無奈地說:「啲人casual 咗好多,嗰個ball的concept、嗰種華麗、璀璨,已經唔入流,講真,ball係需要著拖地長裙o架,同埋係要準時,但好多已經""(苦笑)唔係 啦。」再加上「自己年紀唔細」,身體亦支撐不了。Mira因為玩賽車,撞甩過兩次骹,○七年甩了右手骹,今年斷埋左邊,要動手術,去年又撞斷了五條肋骨, 她上身的骨架已經歪曲,所以需要時間做物理治療,「同埋我想學語言,呢方面我pick up得幾快,俾心機學就唔可以有咁多時候出function,你知去一個ball要搞成日,我又唔鍾意馬虎,一係唔去,去親實係由頭到腳。我覺得係咪需要 嘥咁多時間去做啲嘢呢?我都嘥得差唔多,十幾年啦。」四十四歲淡出ball場,Mira說其後會全力培育女兒,「佢零興趣去ball,我希望佢做新一代的 代表,我會set up一個foundation俾佢打理,但係決定幫助邊個機構前,佢要俾一份報告書我哋睇。」她說來到這個年代,用搞ball去吸引人捐錢已經唔 work,「時代變咗,人係應該進步,係要有新的idea做同一樣嘅嘢,都係去幫人,但係咪需要一個ball呢?」一代ball后說起來感概萬千。


PermaLink: https://articles.zkiz.com/?id=25018

Next Page

ZKIZ Archives @ 2019