|
||||||
|
上星期五本欄話 政府製造壟斷，愈多干預，商界大食細愈係容易，施永青已經講得好清楚，中原地產今日之有咁大規模，要多謝政府。關於教科書商有壟斷成份，牟取暴利一事，亂 咁噏之人，近乎無知。「有知」之人，會點講？呢呢，平時對壟斷十分反感之理工大學教授林本利就係有知之士嘞，佢教經濟，寫過中學經濟教科書，搵到第一桶 金，佢點講呀？今期「壹週刊」有林教授文章，指教科書商面對激烈競爭，開發一套新高中教科書之投資可能高達一千萬元，回本期長達七年─假如套書可以通過教 育局審批嘅話！為林教授出過書之出版社就因為開發一啲教科書不獲教育局OK，生意銳減，被迫賣盤，於此可見營業風險甚高，教育局掌教科書之生殺大權，既然 如此，何來壟斷，何來暴利呢？ 但尊貴的議員就仍然無知，如民建聯議員李慧琼係專業會計師，在「星島日報」（四月十四日）講：「中長期而言， 教育局必須為教科書市場引入競爭……」李議員唔該睇吓「壹週刊」，林教授話「過去十多年，教科書出版商的數目，由數十間減少至剩下十多間」。有幾十間，夠 晒競爭嘞啩？點解會愈來愈少？皆拜政府教育局所賜。 同日「蘋果日報」評論版有一位香港大學博士生梁亦華講官方統一教材的弊端，指出版商「病態競爭亦源於盲目引入市場競爭機制！」李議員話要「引入市場競爭」，博士生話：「盲目引入市場競爭機制！」你話信邊個？都係信林本利較為合乎邏輯。
李 議員引用消委會資料，指香港教科書價比台灣、廣東及新加坡高出幾倍，反映出李議員雖是會計師，但對數字實在矇矇查查，幾嚇人。消委會總幹事劉燕卿嘅年薪大 概係二百萬元，比國家總理溫家寶高幾多倍？比汪洋高幾多倍？但香港人唔會因為薪酬數字之分別而指劉女士薪酬過高嘅啫。廣東、台灣、新加坡之書價由政府管 制，不准市場運作，各自有當地政治特色，與香港完全唔同，消委會已經低Ｂ，將橙與蘋果相比，李議員更差，身為會計師，人地亂講佢又信，仲話係民建聯新星， 做中常委副主席o忝。 |
||||||