|
||||||
|
最近收到幾封電 郵講最低工資、書價與新移民，基本上都同意左丁山嘅評論。一位小業主（舊區舊樓單幢樓）痛陳最低工資對佢地之加費（管理費）壓力，一般保安員（看更）之日 薪或合乎法例，但加上飯鐘錢與休息日薪水，啲小業主就冇法子唔「集資」矣。星期日中午飲茶之時，碰到一位大埔工業邨廠家，講到最低工資，佢牙痛咁聲話： 「原來我地完全計錯數，我曾在商會提議時薪二十八元。我嘅人力資源部話對工廠冇問題，點知現時勞工處話我地一貫提供之免費飯堂午飯，廠車接送，五天工作等 等係原有福利，不能削減，亦不能納入工資計算，我嘅HR話計錯數嘞，基層工人加薪幅度相當大，然後係佢地嘅上司不滿，話冇理由佢地嘅下屬人工加咁多，佢地 加得少！本來好多人話我嘅工廠福利好，係良心僱主，但我唔修改僱傭合約唔得，一夜間就成為無良僱主！」 一位教書三十年嘅老師A來電郵指出左 丁山講書價，基本上立論正確，教師A自言曾與教育局有工作關係：痛陳教育政策常變，課程不時更改，最弊仲係教育局掌握生殺大權，審批教科書唔係每年審一 本，而係三年一個課程嘅三年教科書要一齊呈交送審，令到成本大增。曾淵滄教授與林本利教授都主張取消教科書審批制度，係人都可以寫教科書，百花齊放，等學 校自己揀。但教育局官員點肯放棄權力呀，兩位教授都係得個講字啫。 內地移民A女士來函云自己係家庭主婦，曾在外國住過，後來隨夫來港，成為 香港居民，佢話在外國，知道永久居民與新移民在福利方面有所不同，大家接受，談不上歧視；但香港偏偏就在「歧視」方面好多聲氣，令佢不解。女士A曾在國 外、國內，現於香港居住，認為香港最好，以成為香港人自豪，認為上街青少年只要權利，不盡義務，不知感恩。女士A自成為選民後，就投票俾公民黨與民主黨， 現在見佢地只懂煽動福利主義搞示威，十分失望喎！ |
||||||