大家如果有留意，就會發覺今年差餉估值升幅驚人，說明香港住宅的租金在過去一年大幅上升，市面食品價格升幅起碼一成，油價已經升穿110蚊一 桶，今年交通費唔大升就有鬼，政府預測香港今年通脹率只有4.5%，我認為呢個數據實屬低估，隻iPad 2 唔加價唔等於無通脹，今年一般市民之生活開支一定唔止上升4.5%，香港的打工仔女如果今年加薪有4.5%，已經要去還神，加薪幅度高的，都是那些高薪一 族，許多80後與90後，連工都無得返，連加人工都未有資格。
一般打工仔女如果想靠打份工去改善生活，實在艱難，但在香港過去的數十年，如果你懂得投資理財，發達又的確容易，過去幾十年，大把香港人靠揸樓、揸 舖、揸股票發達，香港是一個投資天堂，股票與樓房買賣沒有資產增值稅，買股票收息沒有股息稅，幾十年來，香港樓價與恆生指數大大跑贏通脹，資產價格增值， 再加上租金與股息收入，只要一味長揸，唔發達都幾難。香港這個彈丸之地，以金融與地產業支撐起整個香港經濟，吸引了大量國內企業來港上市，也吸引了大量國 內資金來香港投資炒賣，現在香港新建的所謂豪宅，大部份都是賣給大陸來客，除了金融與地產外，香港百業荒廢，中小企業都被高租金與高地價所困擾，賺埋都唔 夠交租，整個香港百業都是為大地產商打工，民怨愈積愈深，遲早爆發。
既然生活在香港，無論怎樣也不應該怨天尤人，資本主義有其遊戲規則，只要把儲蓄買進優質資產，並長線持有，長線自然發達致富，現在香港樓價實在貴得 離譜，除了自住，買樓投資實在要三思，但現在的港股相對便宜，恆指市盈富現價才13倍，散戶有閒錢可以繼續儲貨，未來回報必定豐厚。