|
||||||
|
有人聲稱香港輿 論反對預算案，曾俊華應該下台。左丁山閱報多年，全港報紙冇邊張未睇過，又唔覺得輿論多數大罵預算案，最多只係意見紛紜啫。例如三月十日嘅《蘋果日報》， 評論版有自由撰稿人稿件責罵預算案，罵特區政府，但作為任何報紙言論代表之社論（蘋果日報叫做《蘋論》），作者盧峯就指「長遠開支不能倉卒下決定」，內容 就不贊成泛民提出嘅三項要求，即：復建居屋、全民退休保障、及增加二百億元經常性開支，又指出泛民否決政府之臨時撥款議案要顧及政治後果代價。至於財經專 欄版嘅利世民：就直斥泛民為飯民，前一日更講明李卓人議員不能代表佢。 由此可見，如果泛民認為預算案冇大部份民意支持，向政府提出三大要 求，可能係錯誤嘅。大民主派《蘋果日報》到目前為止還未見得支持三大要求，至於頭版標題，係用嚟促銷嘅啫。泛民三大要求之中，全民退休保障係一件重大事 情，如《蘋論》所言，特區政府千萬不能輕率決定，否則影響深遠，禍延三十年，最後財政重擔落在今天之八十後、九十後身上。 獅子山學會行政總 監王弼幾乎係八十後，今年三十二、三歲咁上下啦，佢就非常反對香港成立「全民保障退休制」。泛民口中唸唸有詞嘅「全民退休保障」究竟有甚麼詳細內容，尚未 曾見，暫時只係口號，王弼在加拿大住咗近十年，佢話加拿大地廣人稀，資源豐富，與澳洲相同，呢兩個國家嘅退休保障仲未出現亂子，但愛爾蘭、阿根廷、希臘等 國家，退休制已跡近破產，美國之社會保障制度要國民長期強制性供款，但因為年長者日多，不少經濟學家已指出技術上美國社會保障已臨近破產邊緣。香港到咗二 ○三九年，六十五歲人口比例會由目前嘅13%上升至28%，到時嘅勞動人口供款能否負擔退休人士生活？目前特區政府嘅unfunded pension liabilities（無供款長俸負債）高達五千億元，如用accrual（應收賬）方法入賬，唔係用現金入賬嘅話，政府嘅儲備淨額立即大降。盧峯在 《蘋論》所言，幾有道理o架，特區政府目前不可以答允泛民嘅要求！ |
||||||