財經評論：窮比鬼更可怕？
1 :
GS(14)@2016-11-30 23:54:33■公屋港姐張秀文曾被標籤為低收入家庭出身。 資料圖片
早十幾年前，話人知係公屋仔、公屋妹出身驚比人笑，如公屋港姐楊思琦、張秀文、陳庭欣等，被標籤為低收入家庭出身。可是時移勢易，樓價連年攀升，最終發現原來有間公屋住先係人生贏家。由於輪候公屋人龍越排越長，在眾多申請者中，大專生、大學生或以上學歷佔整體比例47%，不少在學已申請輪候公屋，望在畢業數年內，年薪未超上限時可上樓（但通常排得嚟都過左少少申請唔到），然而為咗可盡快順利上車，大家都奇招盡出。根據房委會2016年公屋申請者統計調查，新申請者平均年齡僅32歲，仲有一半係30歲以下，除大學生申請比例增加外，更有逾五成申請者更「百無禁忌」，參加特快配屋計劃，即係不介意住垃圾房隔離，甚至「凶宅」。點解會咁？一切都歸咎土地問題。以大學畢業生起薪點1.4萬元，未計利息也要不吃不喝28年才可買一個400萬的「劏房」上車盤，買唔起樓的，惟有硬着頭皮拿一半薪金捱貴租；當辛辛苦苦儲到錢買樓，又要擔心按息升，供唔起畀銀行收樓，又要擔心樓價跌的話變負資產等等。相對而言，每月租金僅3,000多元的公屋，反而生活更輕鬆，正所謂窮比鬼更可怕，是否凶宅已經無所謂了。記者：余曉芸
來源:
http://hk.apple.nextmedia.com/financeestate/art/20161130/19849560