中國經濟新循環開始? 始於樓市變化?
經濟循環,真係自然會發生,其實係人類自己造成既循環~1.近年內地一線地市樓價大漲,幾個原因一線城市唔夠庫存,D人擔心無樓買息率比之前低收入增加幅度高於消費開支幅度,存款近幾年多左另外二孩影響居住面積需求增加(呢個因素影響比較微)2.樓價升,地價跟隨升,近期賣地成交價同比都高左好多,亦都曾經見過有地方地價比同區樓價更高3.建材成本開始升,煤價開始升,影響鋼價會升,水泥價亦都會受影響,去產能成效唔知,但鋼企整合收購已經開始,水泥亦都傳會整合產能,生產成本上升再加產能減少,終端售價一定升,發展商建築成本上升,再加土地成本上升,D樓賣得比以前更貴4.人就會用盡所有方法去買貴左好多既樓,可能勁借錢/拎哂所有可能既資金出黎訓身買5.但問題就係,當所有可動用既錢都用左去買樓之後, 經濟復甦未跟隨有樓價咁快既升幅,人民薪金亦都未能夠跟到咁急既樓價升幅,當樓價去到大部份人無能力買既價格,市場資金又被大幅消耗, 無資金再撐到樓價,樓價下跌周期就會開始6.但之前高價買地,用高建築成本起既樓,未賣出既話,發展商資金鏈就受考驗,資金鏈較差,槓桿過大既地產商,會開始出現無錢還既局面(樓賣唔出,借貸到期要還),之後就係銀行壞賬,債權人損失,如果多間公司有咁既情況出現,就會影響到經濟...
香港,因為地方細,發展商得幾間,集中度高,而地產又係經濟構成既頗大部份,地產衰就影響左成個香港經濟,中國地產佔經濟組成比例都不細,但又未有香港咁大,而且中國一二線城市有呢個現象,三四線城市仲未有,而且煤價唔一定會持續上漲,中間政府出手影響就會停...所以影響有幾大都好難料...中間亦都有好多其他因素影響,我只能講繼續關注會係惡化定改善。
房地產3項主要成本,地價,水泥,鋼鐵(水泥鋼鐵其中成本=煤炭).........參考資料8月全國地價漲超四成 9月13日香港商報http://www.hkcd.com.hk/content/2016-09/13/content_3589371.htm
中國煤炭減產 震動全球鋼鐵及運輸業http://hk.crntt.com/doc/1044/0/1/8/104401889.html?coluid=7&kindid=0&docid=104401889&mdate=0924102639
十大集团整合六成产能 3500家水泥企业迎重组大幕http://finance.qq.com/a/20160924/008999.htm
加速整合重组是钢铁去产能重要抓手http://news.xinhuanet.com/finance/2016-09/21/c_129291189.htm
Next Page