|
||||||
|
知名經濟學家王 于漸教授不再擔任香港大學首席副校長之後，專心於經濟研究工作，有時間寫文章，刊登於佢嘅個人網站（www.wangyujian.com）及《信報》。 現時潮流興用漢語拼音，棄用洋名，即使叫慣叫熟嘅朋友，亦要識趣。王教授素來叫做Richard Wong，依家個人網站就名為wangyujian，算係追上潮流，譬如俞琤就叫俞琤，不是Winnie，陳婉瑩就是Ying Chan，不是Winnie Chan。愛同仔女講英文，一定要仔女讀英文幼稚園、英文小學、英文中學嘅老友記，請注意嘞，名人逐漸棄用Peter、May、Paul、 Johnnie……中文名譯為英文，用漢語拼音更馨香。 閒話少講，王大教授係芝加哥學派傳人，與科大雷鼎鳴教授份屬校友，寫經濟文章一定得罪啲社會派、社工派、左傾文化派與自命先進派。一月廿二日王教授在《信報》發表：「制訂競爭法宜三思」，蘇錦樑副局長大概唔係幾啱聽。王教授提出一個個人實例： 「舉個實例，為確保教材質素，教科書受教育署嚴格監管，正因此，製作成本很高；由於教材呈審費時，得失難料，很少新出版社加入，來來去去只有幾家熟悉官方程序的老字號。 多年前兒子讀小學時，我有一次為他買教科書，翻到一種中文課本，講述中秋節一家大小賞月，除了月亮，竟然還看見金星、木星、水星、火星和土星：我可以想像，中文課本審批時，大概只攻一點中文，不及其餘。 我把這本書寄給當時的教育局局長。其後從內行人處得悉，由於審批成本高，有些出版商選用作者時削足就履。我相信若教署撤銷監管，教科書不但會較為廉宜，質素可能也較好。現在有網絡提供各種資訊，只要讓市場發揮作用，可以相信，學童很快就會有又好又負擔得來的教科書。」
實 際事務往往與官僚規劃管制思維相反，教育局堅決不改、不放棄批審教科書，王教授指出出版社只有幾家老字號，咁目前又唔止幾間嘅，將來幾年可能會。據書商數 字，一九九六年香港有五十八間教科書出版社，到二○○九年只剩番十七間。採用三三四新學制之後，一啲中學禁止中四學生讀七科，只准讀四加二，四科必修，兩 科選科，靚女Ｋ嘅姪女在何東女子學校就讀理科，但學校停開物理科，理科生只准修讀化學與生物。出版物理學教科書嘅出版社喺虎年真係苦呀。 |
||||||