| |
||||||
2011-1-18 AD
|
||||||
|
香港人要聽書喇！噚日嘅「2011亞洲金融論壇」猛人雲集，中國銀行（3988）董事長肖鋼、中移動（941）董事長王建宙、聯想（992）董事長柳傳志（圖）、華潤集團董事長宋林齊齊蒲頭，大談內地企業「走出去」，仲齊吐苦水，話人才唔夠、又話文化磨合困難！ 其中柳傳志話，內地企業「走出去」，港台發揮重要嘅引導角色，佢仲用咗個好盞鬼嘅比喻，話中港企業合作，就好似「瞎子背瘸子」一樣，大家唔信大家嘅話，邊度都去唔到，甚至帶嚟災難！ 連大會主持人恒隆集團（010）主席陳啟宗都feel到弦外之音。至於王建宙就話，香港人才雖然多，但員工一聽到要派去偏遠或發展較慢嘅國家做開荒牛嗰陣，就一定會say no，佢呼籲香港人要放眼世界，又話新興市場比已發展國家嘅發展潛力大，要做出成績都易啲…… |
||||||