|
||||||
|
內地不時出現假 新聞，不少網站語出驚人。例如最近傳出平保A股集資，令到平保A股大跌，急忙出聲明澄清。不知是否有見及此，中國新聞出版總署與中國證券監督管理委員會推 出一個「關於加強報刊傳播證券期貨信息管理工作的若干規定」，內有十九條規定，包括編採人員、報刊單位之責任，編採人員之財經採訪經驗，編輯要具有五年以 上新聞經驗、熟悉證券期貨業務，記者要有兩年財經報道經驗或證券期貨經驗等等。 中國啲法例、規定、監管有時比香港仲專業、更嚴格，故此不少 環保人士都話中國之環保要求嚴格過香港，要求特區政府學習。殊不知，中國內地最識寫嘢、講嘢，至於真係要執行、推動，就永遠下有對策，法例規定空具條文。 中國新聞界與財經報道有時作大、造假，關鍵不在於編採人員之經驗與知識，而在乎收紅包，有償新聞盛行，公關人員都知，在內地召開記者會，要預先準備定利是 封。話知佢做過十年證券公司，具備十年新聞工作經驗吖，收到上市公司大老闆「貼士」，在微博放風，在報紙吹牛，有乜咁出奇呀。上述之十九條規定貌似嚴正， 實則又係成為一個控制新聞自由嘅藉口，越多規矩定下來，監控機關要人就有更多發財機會。 訓練嚴謹，具專業分析能力，並唔係分析財經，選股票 一定中的嘅保證。美國啲證券分析師行頭競爭激烈，人人資歷相當，薪水花紅吸引，理論上應該好掂喇啩？點知唔係。無獨有偶，《華爾街日報》與《彭博》同在一 月十一日發表報導，指美國分析師每年就標普五百指數成份股研究所發出嘅top buys與top sells（最佳買入與最佳沽出）往往得到出人意表嘅結果。《華爾街日報》從湯遜路透取得2006至2010年嘅華爾街分析師十大推薦股，五年回報率係 9.5%（除稅及交易成本前），實際所得無幾，如果簡簡單單買標普ETF，回報率係11.9%，如果買十隻分析師「最憎恨」嘅股，回報率竟然有 64.3%！《彭博》就查到自09年3月以來，得到最少推薦買入嘅股票竟然升咗165%。而最多推薦嘅股票只係升咗73%啫！香港情況唔知點樣呢？有資源 嘅香港傳媒不妨試做一次調查，為廣大散戶指點迷津。 |
||||||