ZKIZ Archives


走勢陷阱 CKM001

http://hk.myblog.yahoo.com/ckm001/article?mid=44891

本星期天氣轉冷,恆指更每天跌幾百點,市場又再擔心西班牙與歐洲各國的債務問題,令投進股市的熱錢退潮。走勢派與一眾財演又用圖表解釋話跌穿了什麼 什麼支持位,又叫散戶止蝕離場。昨日carrie妹妹更話,買了無敵坑人動向購輪,身家輸了一大節,其實這件事情只是冰山一角,每年成千上萬的散戶被人誘 騙去投機賭博,並輸掉大量錢財。

回顧恆指由9月一口氣升到11月初近2萬5千點,升幅超過兩成,一般散戶基本上來不及買貨,在股市升勢如虹之際,各路財經專家大叫恆指睇三萬點,坊 間散戶於是在興高采烈之時買貨,點知個市就在一片歡呼聲中回落,走勢派又出來講話大漲小回,之後整個月恆指窄幅上落,走勢派又話係上落市,叫散戶低買高 賣,呢兩日個市大跌,各路財演又出來叫人止蝕離場。原來圖表走勢派的買賣邏輯就係高買低賣,咁炒法散戶遲早傾家蕩產,近幾個月的一對小升跌浪,又是一例。

全香港,除了CKM001外,無人會同你講,原來散戶最容易賺錢就係長揸優質股票,長線股票市場升跌就係反映經濟增長,長揸優質股票賺大錢,只係分 享中港兩地經濟增長的成果,實屬理所當然。與此同時,股票市場滿佈投資陷阱,財演、財棍、傳媒、券商、輪商與網上一班二打六齊齊佈陣,使出各種招數與甜言 蜜語,並利用你心中的貪念,引誘你去投機賭博,令你失去手上所有會生金蛋的雞。沉淪賭海,只有死路一條,投機賭徒宜立即醒覺,回頭是岸。

PermaLink: https://articles.zkiz.com/?id=20196

Next Page

ZKIZ Archives @ 2019