|
||||||
|
都話內地藝術市 場空前蓬勃，百年難得一遇，故此古董收藏家醫生C好坦白咁講，價錢實在太吸引，佢久唔久就想賣出一件兩件，套番晒所有收藏成本先。呢日潮州C請食潮州菜， 地方就係佢嘅潮州飯堂佳寧娜，點解唔去潮州商會？潮州C話佳寧娜位於旺區，交通方便啲喎，有佢響度，佳寧娜啲菜式與服務都起碼值得一粒米芝蓮星，故此大家 食得好高興。 席間幾位前輩又講起內地人買古董藝術品，地產C話確係旺得好緊要，最近北京拍賣會之中，一位香港才子收藏嘅一批小品就以四千萬 元賣出，令人驚喜。前輩L退休已久，平日好睇藝術展覽，佢盛讚澳門藝術博物館不時展出中國藝術珍品，附精美場刊，印刷好，內容正，對展出品之描述與歷史， 有精簡介紹，令參觀者對展出品有更深入認識，觀賞時更加有味道。 相反地，前輩L對香港藝術博物館就彈多過讚咯，佢最近去參觀一個展覽，展品有幾幅係地產C嘅珍藏，但場刊介紹得寥寥數語，簡單到極，佢問地產C知唔知，地產C唯有苦笑，話不便評論。 隔 一日，睇《亞洲週刊》報道，新加坡標新局主席楊烈國到馬來西亞檳城出席一個中小學優秀學生（曾參加全國奧林匹克數學賽，世界奧林匹克機械人創意大賽之獲獎 者）表揚大會時，給在場老師及學生一張名片，發出豪言：只要這些學生想進入新加坡的任何一所大學、任何科系，只要通知他一聲就可以。新加坡高官真巴閉，說 一句就可送馬來西亞叻仔叻女入新加坡大學，香港嘅孫局長恐怕哼都唔敢哼一句。飲茶時與外匯M講起此事，外匯M經常來往新加坡，又喜歡到澳門玩樂，佢對左丁 山講：「香港乜都要講規矩，講法治嘅社會，缺乏靈活性與酌情。我對收藏藝術品亦有少少研究嘅，澳門好肯使錢，招呼內地藝術官員夠熱情之外，使費不在話下， 夠晒鬆手，所以內地珍品到澳門展出係比較多而且搞得好。香港喎，藝術係清水衙門，冇budget，招呼內地藝術家官員，一切例行公事，做多啲都驚住俾人批 評商業化，為收藏家宣傳呀！所以好多新加坡澳門做得到嘅事，香港唔做得，一做就會俾議員與傳媒鬧死！」 |
||||||