|
||||||
|
呢個世界，炒股 嘅邊個唔係想賺錢改善生活吖，平民又好、有錢佬又好，都係咁話啦！中國IT界巨頭馬雲剛啱就減持華誼兄弟權益，套現咗9012萬蚊（人民幣．下同），佢話 沽貨嘅原因係為咗改善生活。嘩！馬生，套咗成億銀咁滯喎，睇怕可以令生活有非常大嘅改善嘞！馬雲喺一年前，即係阿里巴巴（1688）成立十周年之際，亦曾 經減持阿里巴巴股權，當時佢嘅解釋係「給自己、家人一點小小的階段性成就感！」 華誼兄弟董事會秘書辦人士近日向《21世紀經濟報道》證實， 馬雲減持喺深交所上市嘅華誼兄弟300萬股，以11月26日交易價每股30.04元計算，套現9012萬元，相較佢當時不足1000萬蚊嘅投資成本，真係 賺到笑！如果再計埋佢手頭仍然持有嘅2464.8萬股華誼兄弟股份，就更加開心！ 今年4月，馬雲亦同史玉柱、王玉鎖成班人創建雲鋒基金，投資喺網絡、消費品同新能源三大領域。睇嚟馬雲唔單止係IT界強人，仲係投資界高手o忝！ |
||||||