2010-12-03 AD
|
||||||
|
傳媒Ｔ幾年前與 一班中學校友為學校籌款，因一位校友慷慨捐出三百萬元為種子基金，刺激起其他校友踴躍捐輸，於是籌到接近一千萬元。普通嘅做法，係將筆錢直接交畀母校運 用，但校友之中，有幾多聰明人，佢地認為學校收到筆錢，一定唔敢拎去投資，只會放在銀行存款食息，兼且學校有如此大筆錢，一定會俾教育局『目及』到實，唔 可以靈活運用，於是呢批校友就將筆錢成立一個教育基金，搵校友之中，對投資管理比較熟悉嘅，負責管理，賺到錢就每年撥交母校、支援教學與學生活動。 哎吔，現在傳媒Ｔ等人夠晒醒啦！直資學校德望中學有五千萬元買股票，賺咗二千一百萬，俾審計署批評噃，問傳媒Ｔ有何反應，佢話：「不出山人所料！七千一百萬擺喺銀行，利息夠唔夠買架日本車呀，審計署一部通書睇到老，睬佢都覺得自己笨蛋。」 審 計署依照一本不知是否存在嘅通書嚟審核直資學校，指出問題多多。但是實踐係檢驗真理的唯一標準（唔係左丁山講o架），你話聖保羅男女、男拔、女拔嘅賬目亂 龍、遲交、亂加學費，罪狀夠大嘞，但呢啲學校嘅家長會唔會因此叫子女退學，以示抗議，表示支持審計署夠正氣呢？好難咯，即使真係退學，怕且係作狀搵個藉口 啫。
呢啲學校咁受歡迎，但清貧子弟就難以入學，於是引起老友記紀曉風高呼：「直資摧毀向上流動香港夢」，其實要解決呢個問 題係有方法嘅，教育局行學券制（school voucher）就掂啦，只要錢跟學生走，唔係跟學校走，讀書成績好嘅學生考入直資並不難，只要有學券付費就得。美國已有證明，一啲行學券制嘅地區，窮家 黑人子弟一樣可以憑學券進入私立名校（按：美國私校叻過公校好多），直資學校係一個唔錯嘅理念，左派社會主義式辦學，管得太死就沒有希望，直資學校管理靈 活，應該支持，要更進一步成功，就要教育局大膽啲，唔好理會教師工會反對以及左傾評論員思想嘅論點，實施學券制。但現實啲講，教育局敢唔敢，答案是肯定 的：唔敢呀大老爺！全世界嘅教師都係為咗飯碗而反對呢個計劃嘅。 |
||||||