|
||||||
|
新加坡交易所想 話收購澳洲交易所，成為世界第五大交易所，威脅吓紐倫港，是否可以如願，仲係未知數。澳洲綠黨聲言反對，以國家利益為理由，就甚麼都可以反對啦。新交所內 亦有人反對噃，原來係一位主要股東，持有新交所4.9%嘅東京交易所，東交所恐怕新交所出價太高，以發行新股票支付，就會嚴重攤薄東交所持有嘅股權。新交 所總裁係併購高手，在歐洲曾將五個交易所合併，但在歐洲得啫，亞洲嘅「國家利益」因素遠遠大於經濟因素，行事唔會咁順利嘅。 新加坡無時無刻 不與香港競爭，樣樣有針對性，一啲政策收到預期之效。例如香港有迪士尼，配合鄰埠澳門賭場，成為吸引遊客景點，於是新加坡就扭轉數十年來嚴禁賭博嘅政策， 一於開設賭場，並要賭場搵埋環球片場落腳新加坡。呢招幾得噃，賭場片場落成後，新加坡客似雲來，酒店餐飲業欣欣向榮，今年經濟復蘇驚人。 最 近遇到一位新加坡公職人員，佢對香港與新加坡之種種數據對比，瞭如指掌，左丁山為之佩服，原來人哋對我哋咁有研究嘅，真係做到知己知彼。左丁山諗咗一輪， 挑戰佢做乜新加坡部長咁鬼高人工？佢話有一條複雜公式計算，要選出六大行業最高薪嘅行政人員薪水，每個行業有一個平均數，然後將平均數加埋除六，再得一個 平均數，作若干調整，先至成為部長薪水，但部長收咗現金薪水，就冇甚麼補貼，部長返工放工，要自己揸車，冇香港AM車接送，如果部長要出席公開會議，可以 向carpool申請司機接送往返。吳作棟做總理之時，覺得如果自己揸車，發生交通意外，在路上與另外一架車嘅司機談判，糾纏，不止費時失事，可能會影響 埋官民關係，所以總理有司機接送。高官冇司機，一樣在晚上要與市民爭的士，佢話新加坡搭的士難過香港，貴過香港，尤其是晚上十一時半後，全部的士失蹤，匿 埋。點解呀，因為十二時後，的士可以收午夜附加費（midnight surcharge），故此的士司機都要等到午夜十二點先至肯再出現！ |
||||||