http://hk.myblog.yahoo.com/ckm001/article?mid=41389
止蝕是一種坊間財演與財棍們教散戶輸少當贏的一種技巧，例如財演同你講，股票A買入價5蚊，目標價5個半，止蝕價4個半沽出，這種買大細的方 法，贏輸機會看似一半一半，但其實背後危機重重，炒細價垃圾股可以突然無成交，無從止蝕，炒窩輪與牛熊證更慘，例如上幾個月平保停牌，其衍生窩輪與牛熊證 也要停止買賣，衍生工具的時間值就隨停牌時間而一路下跌，基本上止蝕無門，如果遇上裂口上升或下跌的市況，就算是大藍籌，也沒法止蝕，87股災港股停市4 天，恆指裂口下跌5成，問你死得未? 咁唔炒股，咪走去炒外匯孖剪囉! 貨幣市場是全球交易量最大的金融市場，波幅較細，唔驚無成交，唔好意思，我廿年來眼見匯市裂口高低上落三、五百點不知凡幾，炒匯一樣可以無從止蝕。08年 間，我眼見許多炒友神勇止蝕，但查看之下，原來好多係孖剪炒股，跌市之時比證券行斬倉，全軍覆沒，只看回報，不看風險，就是典型的賭徒心態。
投機賭徒成日話要守紀律止蝕，如果話賭仔都有自制能力，基本上就唔會去賭，我只見到每日都有賭仔比人從澳門押返香港追數，炒股、炒輪、賭馬、賭波， 輸清光就去借貴利，自己衰唔緊要，最慘就係連累家人，牽連父母妻兒，令一家老少惶惶不可終日，實在慘絕人寰，可恨上至政府，下至各大傳媒，近至互聯網站與 博客文章，無不大力宣傳賭博風氣，歪風日長，在資本主義大行其道的今天，香港人精神文明日益墜落，書生不才，唯有在互聯網誌，發表文章，警惕世人賭博之 害，為蒼生盡點綿力。