http://hk.myblog.yahoo.com/ckm001/article?mid=41456
昨日同大家講述「止蝕」呢種廢招，指出這種招數的盲點，叫大家千萬唔好學，正如投機賭博，明明輸多贏少，我們也要用心學習這種錯誤方法，並引以為 鑑，我又講過雖然圖表技術分析錯漏百出，但因為太多人用，太多人信，所以長線投資人可以利用別人的錯失而套利，我今日又教大家一個實戰例子。
昨日中人壽(2628)大成交上升7%，收$33.25，係昨日升幅最大嘅藍籌股，並一洗頹風。但回看個多月前，中人壽跌穿$32.8的所謂什麼什 麼長期支持位(圖)，並一路跌穿30蚊的一年低位，一眾財演、財棍、與二打六齊聲妖言惑眾，叫大家沽貨離場，只有我一人孤身上路，力排眾議，叫大家在30 蚊邊放膽入貨，如果大家能夠在30蚊買入，到昨日$33.25，已經有10%利潤，低價買貨坐得安穩，既然終點站係兩百蚊，大家又何妨坐過山車，瀟灑走一 會。馬後炮事實證明，圖表分析只係股海明燈，唔好怪我經常同圖表派過唔去，好似打麻雀咁，當你經常遇到魚脯水魚，明明送錢比你使，又點可以唔順手牽羊，講 聲多謝。
昨日中人壽大成交下大升，又再升穿個條唔知係叫支持線定阻力線既痴痴地線，投機賭徒又再飛撲而入，一班財棍與有心人會教散戶買入中人壽認購輪與牛 證，我在此再澄清一次，買中人壽股票作長線持有屬投資，長揸必勝，買中人壽衍生工具屬賭博，長玩必輸，買賣衍生工具，等同倒錢落海，散戶不宜參與。