《一屋》三寶悲慘童年阿媽出走30年張穎康流淚：點解佢唔搵我？
1 :
GS(14)@2016-08-03 02:45:172016-07-28 NM
大台劇《一屋老友記》中憑四寶溫馨搞笑戲爭到收視。飾演金融才俊、長腳蟹呂慧儀老公的張穎康，背後暗藏了一段尋母三十年的孤苦身世。
34歲的張穎康，自小遭父母離棄，在成長過程留下傷痕；母子相認，更是他既渴望又害怕的情景。
尋母多年的傷口無法癒合，問他是否希望母子相認，被離棄又奢望團聚的張穎康雙眼通紅，強忍眼淚說：我好想見佢，點解佢唔搵番我。父另娶母出走
飾演老婆奴的「三寶」張穎康，現實中是大台中人所共知的愛妻號。上週六（七月二十三日）下午，不用開工，張穎康與妻女外出家庭樂，同兩歲囡囡肉緊嘴嘴，錫到出面。
十分重視家庭的「三寶」，四歲時母親出走，從此音訊全無。缺乏母愛，張穎康亦得不到父愛彌補；有指張父在他十歲那年於內地另娶，對作為長子的張穎康甚少過問，父子關係疏離。
張穎康由祖母帶大，被雙親遺棄，他變得沉默寡言。直至太太麥雅緻出現，逐漸感受到溫暖家庭的他，近年才變開朗。
觸景傷情爆喊
母親狠心遺棄，是張穎康心裡致命的一根刺，一碰到就會痛。據了解，一三年拍《師父明白了》時，有場與羅蘭母子相認戲份，戲假情真，被觸動傷口的他當場失控痛哭，令在場工作人員不知所措。「拍第一take佢已經係咁喊，導演都嚟唔切反應；大家以為佢太入戲，之後先知佢因為同自己媽咪冇聯絡幾十年，一時觸景傷情。」一名幕後人員說。
等阿媽拒改藝名
母親出走後冇晒影，但他內心仍存在渴望，有朝能母子相認的張穎康曾拒絕公司要求改藝名，為的是讓對方知道他的所在。「阿康表面好似唔在乎，但內心其實好渴望再見到自己媽咪。冇見咁多年，但佢一直keep住張同媽咪嘅合照；有段時間佢仲喺facebook尋親，又試過有親戚提起喺邊見到，佢就專登走去同一個地方等。「啱啱簽約嗰陣，公司叫佢改藝名，但阿康唔肯，佢要留住自己個真名，等媽咪知道佢喺電視台做嘢，可以搵佢。」知情者說。本週一（七月二十五日），問張穎康有關尋母多年，他呆了好一陣子。「係……都三十年冇見，又冇話刻意去搵（有冇問其他親人搵佢聯絡方法？）冇，因為大家都失咗聯絡。我keep住用自己真名，因為只要佢在世的話，就會睇到我。」張穎康說。因為一絲希望，張穎康不敢貿貿然搬離與嫲嫲同住的舊居，直至二十歲屋企已經唔夠住，心灰意冷的他才決定離開。「阿媽走嘅時候我得四歲，當時係同緊阿嫲住，相信佢會記得阿嫲地址；不過上年阿嫲都過咗身，不過佢想搵我嘅話，可以去電視台。」
老婆安慰補番數
留下的是不快童年，因為失去母親，每逢生日，只會勾起他對母親的想念。「小學時，因為同學會笑我冇阿媽，我同佢哋打交。最掛住佢嘅日子就係我生日，依家自己有頭家，冇再唔開心，老婆會安慰我，彌補咗我呢樣嘢。」對於母親不顧而去，張穎康這樣開脫：「我出世佢先得十八歲，太後生。（有冇嬲佢當日遺棄你？）有嬲佢點解唔搵我？但同一時間我都好嬲自己，其實當日佢有拉我走，但我唔肯跟佢，所以好矛盾。」假如有日，兩母子再見的話……「唔敢想像呢個畫面！」一直表現克制的他，突然激動得雙眼渾滿淚水。「你問我想唔想見佢？我梗係想……係囉！」三十年不相認，是無法原諒自己當日的抉擇？還是……不願面對！恐怕張穎康也沒有答案。
絕種好男人
被父母離棄的遺憾，某程度成就了今日的張穎康。12年他跟前《東張西望》主持麥雅緻結婚，14年女兒小豆（張雅喬）出世，是大台出名的愛家男人。拍劇十年，一直零緋聞，全因願意拒絕誘惑，遠離發姣女藝人。有傳張穎康拍《東坡家事》時，曾遇對手狂放電做晒主動；但稀世罕物張穎康卻報定案，再叫老婆去探班，令放電的女藝人知難而退。呢啲男人，應該早已絕種。
一屋好伴
同陳偉霆拍可樂廣告
05年簽劉德華成為旗下的張穎康，被稱劉華契仔；當年處男作派台歌《我很好》，他說對母親的心聲。06年，經劉華推薦入TVB，由二打六捱到今日成為男二。除拍劇之外，他亦演出過十多部電影，更曾同陳偉霆及張致恆（Steven）的胞姊Jan合作拍過可口可樂廣告。
撰文、攝影、攝錄：娛樂組
處女騷喊9次 失戀最痛欣宜為男友棄尊嚴：我跪求佢唔好走
1 :
GS(14)@2016-10-24 06:12:15■欣宜前晚開騷在台上自爆曾跪求舊男友不要離開，但對方仍狠心而去。
沈殿霞（肥姐）和鄭少秋的愛女鄭欣宜前晚圓夢開處女騷，昔日媽咪栽培的小花已茁莊成長，盡情在舞台上發光發亮，同時大爆失戀最痛，欣宜承認曾放下尊嚴，跪求舊愛不要離開，這寶貴一課令她找回自己，重新振作，她全晚被愛感動，更喊足9次。
入行8年的鄭欣宜（Joyce），前晚在九展Star hall舉行兩場「女神有問題演唱會」，前晚本是尾場，但大前晚撞正颱風海馬襲港，尾場順延至昨晚，欣宜為籌備開騷添壓力，她前晚全力以赴演出，又跟觀眾分享失戀傷痛和工作辛酸，開心果欣宜頓變喊包。欣宜以性感女戰士look出場，她第一首歌唱出《分手是常識吧》，配上勁歌熱舞，全晚施展渾身解數，唱《跑步機上》時有自摸動作，其後唱《你瘦夠了嗎？》，又在女舞蹈員幫助下打了一個觔斗，欣宜還站立一字馬展示身手，由於動作太大，內衣移位，她更衝口而出說：「等我攝番個bra先。」
祖兒自嘲有共通點
欣宜前晚足足喊了9次，唱完《無表面傷痕》後大談失戀之痛：「大家都覺得我好堅強，冇嘢解決唔到，但其實都會有問題解決唔到。我曾經跪喺佢面前，求佢唔好走，將自己嘅尊嚴都放低，但佢始終都係走囉。之後我個人變晒，人生冇咗自己，照鏡都認唔到邊個。」即使曾跪求男友不要離開，但對方仍狠心捨欣宜而去，她續說：「如果唔開心，應該要盡量發洩。失戀係冇乜問題，但係要記住，做人要有始有終。」
【舊愛Mark】■曾與欣宜拍拖五年的Mark否認自己是欣宜所講的「被跪男」。資料圖片
【勁歌熱舞】■圓潤欣宜跟一班纖瘦舞蹈員跳舞，形成強烈對比，但欣宜身手亦不遜色。
【表演觔斗】■欣宜在女舞蹈員協助下，成功打得後空翻。
演唱會安哥時，欣宜邀得容祖兒做嘉賓掀高潮，祖兒爆欣宜開騷前壓力爆煲：「Joyce開騷前有幾晚，不下數次同我WhatsApp，喊住口話好擔心。」祖兒和欣宜的情誼始於當年於溫哥華做騷，她大讚欣宜孝順，又直認與欣宜有共通點：「觀眾第一眼見我哋，特別係男觀眾，唔會係吞口水嗰類，而係會反白眼。雖然係咁，但我對自己講，大家聽到聲係會鍾意我哋。」
【咀祖兒】■欣宜答謝容祖兒（右）做嘉賓，兩人在台上咀嘴。
【拜肥姐】■許廷鏗與欣宜老友鬼鬼，特意抽空陪她返加國於肥姐墳前拜祭。
在亡母墳前爆喊
完騷前，欣宜在台上致謝時率性地說：「我唔係一個特別好的人，我脾氣又大，學嘢又慢，又零記性，成日以為自己一個人搞掂，又唔放心俾人搞，搞到好麻煩，大家真係好錫我，幫我做呢個騷，我唔係孤單，唔係得一個人，所以我真係好多謝你哋。」欣宜特別鳴謝許廷鏗抽空陪她飛加國到肥姐墳前拍片，片中她向亡母承諾：「我知道你會睇住我，我都想爭氣。」許廷鏗當時還播出好友鼓勵欣宜短片，令她爆喊於肥姐墳前。欣宜未將「被跪男」開名，曾是欣宜舊愛、已升呢人父的Mark Ryan昨日透過英文短訊否認：「我不是她提及的那個人，我們關係是和平結束，那章節在生命中已經完結。現在我會將關注和愛放在現在的家庭上。我祝她一切都好。」採訪：王連連攝影：仇志德
【低胸戰士】■以女戰士造型出場的欣宜，甚有壓場氣勢。
【高貴新娘】■欣宜的婚紗look，高貴端莊。
【花花仙子】■穿上花花裙的欣宜，帶出少女味道。
來源:
http://hk.apple.nextmedia.com/entertainment/art/20161024/19810066
曾同老公睇戲嗌晒交杏兒：佢唔畀我食爆谷
1 :
GS(14)@2016-12-31 01:06:37做得夫妻又點會唔冇爭執，就好似胡杏兒同老公Philip Lee（李乘德），佢哋9月嗰陣，某日唔使開工嘅胡杏兒坐七人車到中環接老公放工，之後仲齊齊去奧海城睇戲。佢到咗商場附近落車嗰陣，氣氛已經變得有啲尷尬，而入到戲院，老公Phil買完飛join番老婆，兩人密斟一分鐘，傾傾下突然好似有啲爭執，仲疑似嘈起上嚟。三句講唔埋，Phil突然嚟個180度轉身，頭也不回咁走咗去！而杏兒就呆咗企喺度，仲未回過神來，呆完之後，胡杏兒先至識醒，即刻衝落扶手電梯追番老公……雖然之後佢哋都好番一齊入場睇戲，不過就行到離行離迾。不過佢哋都係耍花槍啫，過咗兩日Phil就喺Ig晒同老婆嘅放閃相。之後杏兒出席活動都有回應事件，佢就話：「有時呢啲私人事唔需要解釋太多，同埋解釋都冇用。最緊要係我同我老公，同我屋企人知就得0架喇。」咁件事又係點o架呢？佢就解釋話：「我記得我嗰一日係同我老公講我想食爆谷，佢話:『你病呀，你唔好食啦!』都冇影到啲乜嘢，咁就變咗單嘢喇。」真係好sweet呀！
來源:
http://hk.apple.nextmedia.com/entertainment/art/20161230/19881533
【旅遊籽】帶BB出遊 想佢唔喊有乜計？
1 :
GS(14)@2017-02-05 10:40:25【旅遊籽：浪迹遊蹤】跟天下父母一樣，毫無湊仔經驗的二人也會怕阿女冷熱不知、不適應戶外環境，但一個「怕」字，不足以讓這年輕夫婦捨棄開發孩子好奇心和潛能的機會，「坦白說，女兒越小其實越好照顧，開始時你甚麼也不用準備，只準備好自己餵母乳就好。」跟黃心一家上東龍島的山露營一次，隨身行裝毫不輕鬆，Ming為阿女準備座駕——專為嬰孩而設的BB背囊；黃心以往去旅行用的大backpack全是阿女的用品，尿片、睡覺用的地墊、嬰兒被袋、擋風及替換衣物、一天餵食兩餐的燜燒杯食物、嬰兒食品、沖洗用品、玩具故事書……行裝跟平日跟BB外出用品分別不大，但十磅背囊揹到山上，一邊湊女、一邊紮營，轉眼又忙着透爐和煲水，帶女兒上山一次，是multi-tasking最好訓練。
帶BB進行戶外活動裝備跟平常外出差不多，黃心建議帶備BB太陽眼鏡，看日出時防UV；厚身換片墊，鋪上毛巾和嬰兒睡袋，石地上露營也不怕。
露營必備：太陽能水袋，盛水後放在太陽下六小時會自動變30多度暖水，可為小孩洗澡或清洗手腳。BB防曬、沖涼液、蚊怕水、潤唇膏、面霜、消毒劑等日用品也不可或缺。
每次行山或露營，Ming也讓玥玥坐進可攜式嬰兒背囊，由他背她上山。背囊底部可放嬰兒物品、又附設防水擋雨簾，放在地上更可當BB凳坐，非常方便。
帶B搭飛機小貼士：
1.穿連身裝，飛機廁所狹窄，連身衫方便換片，睡覺也較舒服。2.帶小量熱水，女兒平日飲人奶，但有時飲一餐奶粉會更好瞓。3.隨身帶餵奶巾，起飛前及降落前餵人奶，可令孩子因為吞嚥而減輕耳朵不適，盡快入睡。4.航空公司提供嬰兒籃，但帶備嬰兒平日蓋開的棉被會更衞生。5.帶備仔女最愛零食和玩具，可帶一兩件未玩過新玩具，必要時可分散注意力。
記者：王秋婷攝影：黃子偉（部份圖片由受訪者提供）編輯：梁浩維美術：楊永昌
來源:
http://hk.apple.nextmedia.com/su ... t/20170203/19915786
泰國散心不成卓林返港即入院吳綺莉：佢唔舒服
1 :
GS(14)@2017-04-04 08:59:21【疲憊不堪】■吳綺莉昨午在醫院探完卓林後，雙眼無神，手持住院冊子返家，她接受本報電話訪問承認女兒入院：「佢唔舒服！」
44歲的單親媽媽吳綺莉為人夫成龍誕女後，十七年來獨力湊大「小龍女」卓林，惟最近母女關係出現裂痕，大前日卓林飛泰國散心，晚上向華強太太陳嵐力撐成龍，還指「有人夾硬要生卓林出嚟」！原來昨日卓林已秘密返港，更忽然入院，吳綺莉昨日離開醫院時面容憔悴，心力交瘁的她接受本報電話訪問時，三次嘆氣：「佢?家係喺醫院，唔舒服！」
吳綺莉是1990年亞洲小姐冠軍，99年跟有婦之夫成龍傳緋聞，同年10月驚爆懷孕四個月，經手人是成龍！「小龍女」卓林出世後，由媽咪獨力撫養長大，兩母女相依為命十七年，惟前年卓林向學校報稱遭母親打傷，傳吳綺莉有酗酒習慣，之後母女和好，怎知上月吳綺莉涉刑事恐嚇女兒被捕，上周四卓林在社交網留言「我仍活着」，指自己壓力爆煲將離港，而吳綺莉則召開記者會，控訴成龍沒付過一毫子養女，更爆喊哭求女兒返家。
聞自殺傳言封嘴
據知，卓林於大前日跟友人到泰國散心，昨早忽然秘密返港。本報收到讀者報料，指吳綺莉昨現身醫院，記者致電給她了解，她說：「唔好意思，我?家唔方便講嘢。」記者於中午趕抵醫院，發現她的座駕停泊在附近，再致電問卓林是否入了醫院？心力交瘁的吳綺莉不停嘆氣：「唉……唉……唉，我唔知點答，佢?家係喺醫院，唔舒服。」問是否在醫院陪卓林？她說：「唔係，我?家要返屋企沖個涼，你唔好再問我啦！唔好意思呀！我冇嘢講。」對於向太力撐成龍有情有義，更指有人夾硬要生卓林，又爆成龍曾被恐嚇勒索，她表示：「向太嘅嘢我唔知點答呀！」昨午約1時45分，戴口罩的吳綺莉駕車離開醫院，有傳媒問卓林是否自殺入院？吳綺莉沒回答。當返抵寓所後，手拿入院冊子的她，再被問到卓林是否入院？她說：「記者會講咗，唔講啦。」追問卓林是否自殺，吳綺莉即封嘴，提到向太指有位已過身人士向成龍勒索，吳綺莉說：「向太我同佢唔熟，娛樂圈嘅前輩……過咗身，唔好再講。」
■吳綺莉和女兒卓林相依為命十七年，但母女情卻面臨決裂。資料圖片
■記者昨午發現吳綺莉的座駕泊在醫院門外。
【「唔知點答」】■戴口罩的吳綺莉匆匆上樓，拒回應向太的指控。
■成龍被吳綺莉怒轟拒付一毫子養女，連日迴避記者提問。資料圖片
曾撰文講抑鬱症
只有17歲的卓林，備受家庭問題困擾，去年底她曾在fb以英語留言，提過自殺問題：「不少人認為自殺是自私舉動，因為那個人不關心在生的人。我可以告訴你，當一個人去到那個境況時，他們真心覺得自己的離去，會令所愛的人生活變得比較好。這是一種精神病，並不是自私，這就是真相。抑鬱症是可怕的疾病，而且很無情……我們要互相幫助，以及停止忽視精神病。」採訪：嵐山、魯吉、羅慧敏攝影：吳耀輝、陳慧安
來源:
http://hk.apple.nextmedia.com/entertainment/art/20170403/19978015
4歲萌妹被揭書包藏狗B爆喊：佢唔會咬人
1 :
GS(14)@2017-04-15 23:27:43小孩將意外拾獲的小狗帶返幼稚園，豈料被老師發現，竟哭想要保護小狗，場面讓人心酸。事發於上周五，四川遂寧4歲女孩琪琪撿到了一條小狗，隨後將小狗放入書包，繼而帶着小狗回幼稚園。不過書包藏狗的事東窗事發，琪琪因害怕小狗被扔，她邊哭邊說：「牠不會咬人。」據幼稚園老師表示，事發當日，有學生指琪琪書包有一小狗，了解後，琪琪在路上發現小狗，遂將小狗放入書包回校。由於學校旁邊有一條河，琪琪擔心老師會將小狗丟到河中，因而哭着要求老師不要棄掉小狗。老師後來安慰琪琪，指她可放學領回小狗。翌日，琪琪婆婆到學校告知老師，指琪琪回家後對小狗十分痛錫，甚至連食物也一同分享。梨視頻
來源:
http://hk.apple.nextmedia.com/international/art/20170415/19991006
【動畫】推癡呆母落地拖行10幾米衰仔：嫌佢唔聽話
1 :
GS(14)@2017-06-10 12:40:44手無寸鐵的老人家遭受家庭暴力，令人髮指，尤其施虐者就是自己的子女。一男子竟嫌母親不聽話，把她推跌，並拖行母親10多米。內地網上日前廣傳一段短片，題為「浙江杭州一男子拖行老母親」引起熱議。畫面中，一男子在家門口推倒年老的母親後，把她晾在一邊，後又把她拖行10多米到屋內，整個過程讓人心痛。當地辦案民警說，確有此事，老婦患有老人癡呆，常常爬到高樓，事發當天老婦上高樓後爬出圍欄，險些跌下來，所以引發兒子不滿，一氣之下把母親推倒，並拉着她的手拖行10多米。目前老婦住在女兒家。民警稱老婦並無嚴重受傷，並已訓示片中兒子不可再虐老，要照顧好母親。 秒拍
來源:
http://hk.apple.nextmedia.com/international/art/20170606/20046270
Celine爸爸道義上有問題？薛家燕：希望佢唔好影響到個女
1 :
GS(14)@2017-06-22 08:03:19近日因為參加《全美一叮》（America’s got talent）嘅比賽片段一夜成名嘅Celine(譚芷昀)，前日就同爸爸一齊現身機場，搭飛機去旅行。不過人紅就梗係是非多啦！有人直指親手培養Celine妹妹嘅爸爸譚順生有問題，而苦主竟然係家燕姐！事源Celine曾經係「家燕媽媽藝術中心」嘅學生，而Celine當年仲係喺家燕姐介紹下去大台參加節目，其後喺2014年參加《中國新聲代》亦係由家燕姐穿針引線，不過家燕姐就好似對譚爸爸有微言。問及家燕姐係咪一早認識Celine爸爸？佢話：「係呀，Celine大約四五歲嗰陣就嚟家燕媽媽嗰度學嘢，我認識佢（譚先生）就應該係新城電台嗰陣識，佢唔知係咪參加個比賽定乜嘢，我唔記得，見到佢囡囡好精靈，同埋同聲好靚，咁我就問佢有冇興趣嚟我哋學校上堂呀？咁佢就嚟咗上演藝班嘅。佢爸爸教佢唱歌嘛。」原來譚順生後來成為「家燕媽媽藝術中心」嘅導師，家燕姐話：「後來佢爸爸（即譚先生）就上嚟自薦，話想喺我哋度做音樂導師，咁好啦。」咁之後發生咩事令家燕姐對譚順生有戒心？佢苦笑話：「應該係話失望。做我哋呢行，尊重行規，咁你自薦上嚟教，就算有乜嘢學生要補課，或者係要點樣上堂，都係要同我商量，就唔係嗌啲學生去佢個工作室上堂嘅。」家燕姐續指：「我最初都唔知嘅，咁逐個逐個學生去咗佢度上堂，啲學生話學費好貴，我收二千幾，佢成萬幾蚊，走返嚟問我哋，問『家燕媽媽知唔知我哋去佢度上堂好貴呀？上完又要再俾。』我就『吓？點解會咁㗎？』因為我就冇理到佢嗌啲學生去佢度上堂。我都唔知佢點聯絡啲學生，梗係逐個學生攞電話啦。就算個學生要上乜嘢堂，佢都應該要同我講聲。咁我諗起碼…佢喺我度教咗半年左右啦，咁我覺得『咦，呢個人道義上有啲問題喎，咁我決定唔用佢。』家燕姐不忙大讚Celine唱歌有天份同好乖。所以有合適工作都會安排畀Celine妹妹，佢話：「推薦過佢去無綫拍MV同母親節節目，大陸都有個《中國新聲代》。當時佢好似想去參加，但參加唔到，咁可能嗰期嘅年齡問題，咁佢有同我講，我話好吖，睇下我嘅關係可唔可以幫到佢，咁後來聯絡到湖南衛視畀佢上嗰個節目。」有指Celine爸爸當正自己有渠道安排學生去比賽，仲喺網站宣傳，家燕姐笑說：「係呀，佢話自己關係好，如果邊個想去就搵佢啦，哈哈哈哈。係啲學生話番畀我聽，我就得啖笑，唉，佢個人都係有點那個，不過真係其實呢啲嘢過咗去架喇，我都好開心佢個女，今次係《全美一叮》攞到個名譽，係一件好事，不過都提一提佢爸爸，以後安排自己做嘅嘢唔好影響佢個女。」對於好多人擔心Celine太細個唱歌會影響學業？家燕姐就認為唔會：「佢媽媽都ok，只係佢爸爸係佢經理人，所以處理事方面自己要留意。」而同樣喺「家燕媽媽藝術中心」工作過嘅蔡立兒回應《蘋果》話：「非常感激家燕姐之前給我機會在藝術中心教小朋友唱歌，任教時及現在都不認識及不曾接觸過譚先生及他的女兒Celine，所以對此事一無所知，不便參與任何意見！」
來源:
http://hk.apple.nextmedia.com/entertainment/art/20170620/20062227
單親爸創業絕處逢生阿囝令佢唔放棄
1 :
GS(14)@2017-06-23 01:34:378年前，Ocean Three只是一間在facebook經營網上速遞生蠔店，當時老闆何智聰只向本地供應商取貨，每朝早入機場分貨再送到客人府上，以平價吸客，但因為生意越做越大，被本港最大的供應商拒絕供貨。當年亦試過被大陸生意伙伴走數，損失百萬元，幾乎一鋪清袋，創立Ocean Three第一年，太太更因突發性心臟病離世，留下一歲的兒子Hayden，畢生積蓄被騙加上成為單親爸爸，阿聰心力交瘁，即使Hayden首次學懂叫爸爸，他亦感受不到當爸爸的喜悅，阿聰坦言想過放棄自己去拿綜緩度日，但他認為人生不應該這樣頹廢，更希望日後對兒子有個交待，便硬着頭皮去經營；在迎來第8個父親節，阿聰這次對着鏡頭，細訴這八年的崎嶇路。何智聰：大家好，我叫何智聰，8年前和拍檔創立了生蠔店Ocean Three，而家踏入第8年，已經開咗8間分店！雖然生意叫上咗軌道，但其實最初頭四年過得好辛苦，因為喺創業第一年，我心愛嘅太太仲因為心臟病離去，留低一歲大嘅Hayden同我相依為命。頭4年我係捱返嚟，個人冇晒成功感同滿足感，就算見到阿仔突然識行路，識得拋個波俾你玩，第一次叫爸爸，正常應該開心，但我冇呢種感覺。當我做生意時，贏咗啲獎項，開咗新舖，理應係有滿足感，但其實每一次我都好失落，當好多朋友嚟撐你，你做到一樣你認為係成功嘅事，其實係冇人同你分享，嗰種感覺好難受。專家話，小朋友頭4年冇乜記憶，所以我都避開阿仔，用工作麻醉自己，初期創業，人手唔夠，送貨、執貨、打電話搵客全部自己做，每日工作到凌晨1點，返到屋企係張床見到阿仔，錫佢一啖就要瞓，4年冇放過假。每朝凌晨五點會責醒，要睇吓網站有冇生意，怕出唔到糧畀同事，好怕交唔到租，好大壓力。呢段時間我有諗過放棄，親人離開，畢生積蓄冇咗，好多人會捱唔住，我每一日都有諗過放棄，但我同唔到個仔，同唔到太太交待。當初有諗過離開香港，去西藏流浪，但我諗人生係咪要咁樣？乜都唔做，去拎綜援，單親福利。就好似跑步咁，第一次跑5公里想放棄，同自己講，捱埋呢10分鐘，跑完再同自己講，捱多5分鐘，跑到冇氣先算，結果跑咗10公里。4年後生意好咗，終於有時間陪阿仔，但我冇用物質滿足佢，希望以身作則，話畀Hayden知，呢個世界冇好彩，要自己爭取先至有回報。記得細個，爺爺問我選擇食雲吞面定麥當奴，我知道麥當奴貴兩蚊，我好想食麥當奴都會話食雲吞面。因為我知爸媽好愛我，我唔想佢浪費金錢，而我都咁去教小朋友。好多人好奇怪，問點解唔俾啲好啲嘅生活佢。我想講，男仔可以窮養嘅，到咁大個送過一次禮物畀佢，我連生日禮物都冇買過畀佢，只係一次考試好好成績先送。而家佢見到份禮物會同朋友講，「呢份禮物」爸爸買畀我架。我想囝囝明白，社會上面咩叫競爭。我唔需要個仔讀書讀得好叻，我想畀佢知道，好多嘢要自己去爭取，好似最近去車會的聚會，夜晚10點先開始，我就叫埋阿仔去幫手，佢拎住光管同風扇吹住爸爸，企係度同我一齊開生蠔，當晚開咗二百幾隻生蠔，呢個過程幾辛苦，但想讓佢感受吓，呢個世界係公平嘅，努力先有回報。我會同佢講，如果你想去旅行，就要力洗十次碗。中秋節人哋一家大細出去玩蠟燭，我就帶阿仔去賣水果，我想佢知道，爸爸好努力工作，唔怕辛苦，讓細佬仔唔好怕面矇，學識招呼人，用身教佢點樂觀做人，阿仔唔一定要讀書好叻，我唔Care佢事業有幾大成就，要搵幾多錢，但我Care佢做唔做到佢想做的事，希望佢有冒險精神，夠膽完成自己夢想。轉眼間，Hayden已經8歲，望返轉頭，其實忘記咗有幾辛苦，係值得我捱嘅。我希望做到一個稱職嘅爸爸，成為佢嘅榜樣，所以我想趁呢個機會，同囝囝講，同父母講，終於有個交待啦。記者：陳新政 攝影：黃耀興
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170619/20060739
【估佢唔到】瑞典教堂原來係魚市場 平民價食即捕即煮海鮮
1 :
GS(14)@2017-10-15 15:55:39瑞典哥德堡有座貌似教堂的建築物，望真點，原來是瑞典最大的魚市場。
瑞典哥德堡Rosenlund運河港口，有座貌似教堂的建築物，望真一點，原來是瑞典最大的魚市場。魚市場瑞典文為「Feskekôrka」，有「魚教會」的意思，由瑞典建築師Victor von Gegorfelt設計，已有143年歷史。設計師故意模仿挪威哥德式木板教堂，把魚市場設計成廣闊而沒有柱子的大堂，有拱型窗戶和陡斜的屋頂，外形似足真教堂。
瑞典有名的海濱城市哥德堡捕魚業興盛，寒冷海岸水域為小城帶來世界級美味的海鮮。魚市場每天售賣新鮮捕捉的魚類，即劏即食或可一整條買走的瑞典三文魚、即開即食新鮮生蠔、小龍蝦、各式各樣醃魚沙律，買之前可先試食。不想外賣帶走，可到市場二樓餐廳「Gabriel」，大廚每天在市場入貨，即捕即煮是日海魚菜色，平民價錢吃到高檔鮮味，也算是魚市場的一大特色。
魚市場每天售賣新鮮捕捉的魚類，買之前可瘋狂試食。
黑線鱈魚是瑞典獨有品種，廚師以奶油和藍芝士慢煮，鮮甜嫩滑。
二樓Gabriel餐廳的大廚，每天在市場揀選時令海鮮，藍芝士慢煮黑線鱈魚$178。
魚市場魚產豐富，可以買走一整條瑞典三文魚、也有即開即食新鮮生蠔、小龍蝦、各式各樣醃魚沙律等。
記者：王秋婷攝影：潘志恆2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20171009/20176506
Next Page