|
||||||
|
新股排住隊上場，交易所熱鬧都爆，幾乎朝朝都有切燒豬儀式。噚日輪到康哲藥業（867），同埋由創業板轉主板嘅東江環保（895）登場，之不過最弔詭嘅，係成班東江環保管理層竟然連影都冇，搞到華華以為自己眼花o忝！ 講 番隻東江，前排中標做咗湖北省家電以舊換新嘅指定拆解處理企業，仲建議將股份十合一，可能就係因為呢排太多嘢搞，同埋覺得自己啲項目夠強，以為有麝自然 香，所以就唔使搵人嚟撐場！之但係話晒細場過大場，點可以連花牌都無個咁冷清o架！結果，佢個股價噚日就一江春水向東流，跌過6%；相反人腳鼎盛嘅康哲， 首日掛牌就輕輕鬆鬆收旺場，升超過一成……所以話呢，意頭呢家嘢，真係唔到你唔信呀！ 李華華 |
||||||