|
||||||
|
一位三四十年前 在商界頗為著名、現在冇乜公眾認識或記得嘅富豪坐飛機回港時，在飛機上可能心臟病發，呼吸困難，到達目的地時已經逝世，年約八十餘歲。呢位富豪好鍾意與水 扯上關係，各地所住之處，居所內皆有水池或泳池，又曾大事投資於船務航運，但一生事業大起大落，出身基層，竟成為富甲一方人物，中年以後賣去銀行股票，失 董事長寶座，賣去百萬噸船隊，從此成為半隱居人物，但仍然住在價值幾億銀嘅豪宅，俯視維港。 前輩與呢位富豪，交往已久，講起佢，有啲感慨： 「佢自年青時期，遇上一位算命先生同佢算命，指點迷津，算命先生話水係用神，水利佢。故此佢住在東南亞也好，香港也好，必須屋內有水，屋外見水，發財後， 大舉進軍航運業。但我哋見到嘅就係，假如水真係利佢，佢一生點會如此大起大跌呀？算命先生可以信，不可以盡信。」子平八字以「捉用神」為最重要，譬如今日 九月六日出生（己未日）係庚寅年甲申月己未日，命書就話農曆七月己土命，用神為丙火（溫土），癸水（潤土），癸先丙後，就係講癸水有利此命啦，但是否真的 如此，還須配合各方面，要真正專家先至識得推算清楚。 另一位前輩又講，富豪住在半山區獨立大花園豪宅，風景絕佳，但因相信有水則利，在大屋 下面起咗一個泳池，因土地環境所限，泳池在斜坡之上，有下斜之勢，曾有風水家話水為財，水向下斜，意味水向下流走，不利財。信邊個好呢，富豪還是相信算命 師；後來嘅客觀事實顯示，佢嘅事業大財不斷流失！但香港永遠係有土斯有財，呢間豪宅今天價值起碼幾個億以上，後人得益。 講起後人得益，前些 時聽到顧問H講，大凡富豪逝世，處理財產分配係一個十分棘手嘅問題，隨時引起後人官司，華人上一輩富豪尤其喜愛女士，擁三四房係普通事，仲可能有埋外國同 居私生子女，於是分家產時就麻煩到極，顧問H嘅業務之一就係向客戶提供分家產安排嘅意見！佢講得十分專業，聲言有好幾個分配模式，從名、利、權三方面入 手，業務好好喎。 |
||||||