ZKIZ Archives


不認同公民抗命「犯咗法保護唔到市民」法政男神用智慧抗爭

1 : GS(14)@2017-02-03 02:50:36

■蔡騏選擇文鬥,力保終院外的泰美斯女神像不蒙污。王子俊攝



【本報訊】抗爭不一定要激,法政匯思新召集人蔡騏選擇「文鬥」,「我唔係衝擊型,係智慧型」。前年俗稱網絡23條的《2014年版權(修訂)條例草案》戰役,夥鍵盤戰線以文宣及游說戰報捷;於人大8.31的法治風暴下登場,力保終院外的泰美斯女神像不蒙污。以版權戰「起朵」的新一代律政男神表明,會專注網絡自由及私隱條例。記者:許偉賢「其實最初係覺得佢哋(鍵盤戰線)有啲騎呢,走去扮法輪功解剖屍體(請願)喎!」蔡騏笑笑口說。與鍵戰的情緣,始於有高登仔被高登網「踢走」,查詢法律意見,其後談起版權法,「嗰時知道會翻生,但都唔多熟悉,去到見到呢班年輕人嘅presentation有紋有路,冇諗過一個『廢青』組織咁well-prepared,好impressed」。


自覺網絡23條戰失敗

擔當法律顧問,狂「咪」版權法例,約見外國專家學者,製作懶人包揭魔鬼細節,蔡騏憶述那段作戰「苦」日子,「寫完啲文章甚至會畀啲學者睇,確保冇錯,因為本身真係唔係專長」。最終在泛民助攻下,《版權條例》被拉倒,外界認定是反對者的勝利,蔡騏直言,「我哋覺得係失敗,因為唔係唔想條條例過,而係想修訂,先至提出有建設性嘅proposal」。他強調當時抗爭很斯文,「都係提出建議書、去聽證會,同人講道理」。時值雨傘運動,他曾獲邀到大台解說條例,「瞓喺街就冇,條腰頂唔順」。問他是否支持公民抗命?「唔好做啦,哈哈」,說笑後正經道,不認同法律界進行公民抗命,「否則犯咗法就保護唔到其他市民」,又明言激烈抗爭之時,必須考慮結果。遊行當然沒問題,他的處男上街就在2003年,剛畢業的他深怕言論及表達自由受影響,「咪行出嚟捍衞,嗰時覺得香港人好團結、香港好有希望」。


「每次釋法都衝擊法治」

隨後香港五度人大釋法,令他覺得法治越來越危險,「每次釋法,都係對法治嘅一次衝擊,最近一次釋法(議員資格)都冇咁嘅必要;有啲權喺度,唔一定要用」。人大就政改作出8.31決定,至今令他意難平,「覺得佢哋係撕爛塊面,唔同大家講道理,佢哋話乜就要乜,其實佢哋係想操控個選舉,話畀你聽:揀呢個就呢個!」接任法政召集人,關注司法人權等是必然,網絡自由及私隱權亦是主打,在終院外看到一則有關現場設閉路電視、涉及收集私隱的相關啟事,他即時以手機拍照做記錄。斯文書生型的他明言,抗爭手法不會變,「唔係衝擊型抗爭,係智慧型」,呼籲市民有需要時發聲,「無論民主法治與自由,都係好脆弱,如果唔行出嚟捍衞,好自然被侵蝕」。




來源: http://hk.apple.nextmedia.com/news/art/20170202/19915236
PermaLink: https://articles.zkiz.com/?id=325043

曾偉雄:同事可能犯咗啲錯

1 : GS(14)@2017-02-19 12:19:20

【本報訊】曾經在佔領運動期間向同袍高呼「你哋冇做錯到」的警務處前處長曾偉雄,前晚回應七警判決時,指自己心情沉重,「有同事在執勤期間,可能犯咗啲錯誤」,但會全力協助七警上訴。問及警隊未就執勤時觸犯刑事罪行認錯是否屬姑息,曾偉雄指,「不要再講這個問題」。至於被七警毆打的曾健超則認為公道自在人心,相信警隊總要為事件道歉。


曾健超:警隊只為權貴服務

警方在2014年9月28日在夏慤道向示威者施放催淚彈,令雨傘運動一觸即發,被指是幕後黑手的曾偉雄,當時向參與應付傘運的前線人員打氣,激動地指明白前線工作辛苦,「對外界嘅批評同埋謾罵,我想話畀大家聽『你哋冇做錯到』!」曾偉雄前晚回應《明報》七警有否做錯時,他指「有同事在執勤期間,可能犯咗啲錯誤」。至於警隊未有就警員執勤時犯刑事罪認錯,是否等於姑息犯事警員?曾回應指「不要再講這個問題」。曾健超認為警隊至今欠全港市民一個道歉,他解釋,曾偉雄代表了警隊只為權貴服務,而非服務香港人的文化,「好多警員受佢呢套影響」,引致警民關係撕裂,最終受害的是全港市民,認為警隊應就此向市民道歉。■記者廖梓霖




來源: http://hk.apple.nextmedia.com/news/art/20170219/19933170
PermaLink: https://articles.zkiz.com/?id=326934

Next Page

ZKIZ Archives @ 2019