2010-9-8 AD
|
||||||
|
數碼通（315）噚日派成績表，喺市場爭到頭崩額裂之下，條數可謂靚到痹，無怪乎CEO黎大鈞（圖）笑晒口，兼繼續快人快語！ 好 似有人問點解唔學對家，將流動電話同固網ARPU（即係每月每個客仔嘅平均使費）分番開兩條數？黎總話：「鬼叫佢哋唔係一個true integrated player咩！」惟有數記真正係一網打盡，提供晒所有服務，咁先可以有一個綜合ARPU……不過，相比起年幾前寸3仔係魚蛋粉，都算克制囉！ 至 於話早排私隱專員公署查3個電訊商賣客戶個人資料單嘢，黎總話，佢唔aware公司畀私隱署查緊，亦無人接觸過佢，重點係「數碼通永遠無賣過資料畀人 哋！」有啲人無交電話費畀人追數，然後就投訴電訊商賣佢哋啲資料畀收數公司，黎總：「你畀錢咪無呢樣嘢囉，唔關私隱事，唔好濫用呢啲名詞……」真係黎總語 錄，句句入肉! 李華華 |
||||||