|
||||||
|
早排傳係「股 神」畢菲特接班人嘅David Sokol，同內地嘅民運領軸李祿，似乎冇咁快可以接棒住。皆因行年七十有九嘅畢菲特，剛剛向《芝加哥論壇報》表示，o依家未有退休計劃住，佢話自己仲有 排玩，仲話自己雖然已經冇乜肌肉，但身體仍然非常good fit，而且仲好熱愛佢嘅工作，暫時都冇咩可以改變佢嘅諗法。 照華華睇，畢菲特雖然話自己冇乜肌肉，但係佢嘅賣點係個腦同埋眼光；加上年年巴郡股東大會，都見到佢扮鬼扮馬同一眾股東玩吓花臣，就知佢幾咁好活力啦，應該未有耐退休。 之不過咁，健康呢家嘢，好多時都唔輪到自己話事，所以股神話佢其實早就同巴郡嘅董事局開咗好多次會，傾吓繼任人嘅問題，大吉利事講句，萬一自己有乜嘢事，董事局都曉得揀邊個吖，總之已經有好多合適嘅候選人啦！ 咁幾時先會有機會見到李祿佢哋上到神級嘅位置？人哋查理斯等到o依家都仲係皇儲，「股神」班門生又唔知要等幾耐呢？ |
||||||