ZKIZ Archives


八達通應務正業 左丁山

2010-8-12  AD






 

一位記者問左丁 山:「對八達通卡公司喺公關或危機處理有乜意見?」意見由啲公關/危機處理專家去發表啦,如果八達通卡一早已決定唔出售若干客戶嘅私人資料,何來甚麼危機 噃,出事之後先至講危機管理,多餘啲噃。賣資料賺得幾多錢?據報八達通出售資料嘅收入係四千四百萬元,八達通已經捐晒畀公益金,但呢筆款項只係收入啫,並 非利潤,究竟真正利潤有幾多,八達通未有公佈。賺四百萬呀?八百至一千萬呀?對八達通係一個小數字啫,不足掛齒,o依家為咗呢筆小利而損害公司名譽,傷害 品牌價值,條數點計?簡直係大大得不償失,主其事者實在係聰明笨伯!

八達通之科技及操作系統,稱譽全球,曾得過世界科技應用大獎,本是香港 之光,八達通嘅技術,輸出往荷蘭,大受稱讚,照計呢啲先至係八達通嘅核心業務,出售資料係毫不重要嘅前菜,棄不足惜─其實老早就唔應該做。有老友在他報見 到有關前行政總裁陳碧鏵之比較詳細背景,知道佢自聖心書院畢業,冇入大學,從文儀用品公司銷售員做起,不斷向上爬升,做過香港電訊嘅企業總監、VISA港 澳地區總經理,並唔簡單。一位不是大學畢業的女士,在過往三十年,能夠力克一眾男士,擊退一眾大學畢業生而成為Marketing & Sales界之表表者,一定有過人之處。偏偏就係呢啲背景令佢以為可以出售客戶資料,為公司搵多啲錢,咁就打錯算盤,變成獵犬終須山上喪,周街鬧,幾慘 情。

左丁山初出道之時,上司要監督住有無出街call客,新畢業生邊度識得咁多客吖,好彩嗰陣時有電話簿,於是逐頁揭開,係咁打電話去做cold call,o依家想起嚟,昔日電話公司之電話簿載有私人家宅電話與住址,任人睇,點解嗰陣時從未有人投訴私隱問題嘅呢?

 

前任私隱專員吳斌夠晒勇,臨走前開定file嚟砌八達通,新任專員邊度夠膽唔繼續追查落去吖。至於由立法會委員設調查委員會喎,係議員想揚威做騷啫,正一勞民傷財,隨時拖拉一兩年,唔好嘞啩?


PermaLink: https://articles.zkiz.com/?id=17365

Next Page

ZKIZ Archives @ 2019