ZKIZ Archives


七分技術 三分運氣 ckm001


http://hk.myblog.yahoo.com/jw!G9qPswuRGxoAjkVjcnY-/article?mid=38891


今期東周刊有篇嘩眾取寵文章,名為《名嘴基金經理炒股隨時跑輸師奶》,原來係暗寸基金經理陸東、林少陽、劉央等近來的基金投資回報跑輸大市, 沒有多少投資經驗的散戶看了這類文章,一定以為以上幾位城中紅人無料到,上兩個月阿福賭波贏左十萬蚊,上個月阿壽賭馬贏過百萬,上星期阿水中六合彩頭獎贏 過千萬,三位都一本萬利,跑贏大市,咁即係連巴菲特都要行埋一邊? 呢類垃圾文章充斥各大報章、雜誌與各類媒體,唔識嘅比佢嚇死,識嘅就一定比佢笑死。

大家要知道股票投資這個遊戲跟打麻雀與鋤大D一樣,七分技術,三分運氣,以打麻雀為例,就算你剛剛學會食糊,如果你運氣好,分分鐘打四圈都可以食三、五、七舖雙辣,盲拳打死老師傅,不過如果長玩,通常技術好嘅老雀贏多輸少,技術差的只有做魚脯,路遙知馬力,日久見真章。

在投資市場,一年半載的往績回報,基本上分不出是靠技術,還是靠運氣,如果要分高下,沒有一對牛熊的時間不為功,那起碼須要十年八載,投資之學習實 踐與經驗累積,路途漫長,如果一開始就誤入歧途,誤信各路財演、財棍與不知天高地厚的二打六,炒出炒入,買賣窩輪、牛熊證、垃圾股與莊家股,投機賭博,磋 跎歲月,十年八載過後,結果還是一貧如洗,雖然一朝醒覺,悔不當初,可惜到時人又老,錢又無,為時已晚。行精面,走捷徑,不如腳踏實地,長線投資,儲蓄致 富。




PermaLink: https://articles.zkiz.com/?id=17125

Next Page

ZKIZ Archives @ 2019