| ||||||
| 外號「任大炮」 嘅華遠集團總裁任志強，評論中國房地產市場時，向來都係「語不驚人死不休」，早前參加論壇仲俾人擲鞋抗議o忝！但任總佢根本唔在乎，繼續我行我素。唔好以 為佢好清高超然，原來都係有「靠山」嘅，佢係高官子弟嚟o架！ 老竇原是副部長 「大炮」近日接受內地雜誌訪問時，講佢老竇當年 曾經做過新中國商業部副部長，自己一早下海經商，都係因為有幹部子弟嘅身份。 不過，佢話自己下海嘅時候，父母都已經退休，並無得到任何關 照，加上家境麻麻，曾經捱過苦，所以咪養成硬頸嘅性格，唔肯同人妥協囉；連佢老友潘石屹同佢見面時，問候語都係：「最近有冇跟人吵架？」 不 過，「一山還有一山高」，任志強自爆喺1985年，因為得罪咗地方審計局局長，最後俾對方冠咗個「莫須有」嘅罪名，將佢關入看守所，仲住咗成14個月o 忝。可能係呢件事令佢吸取咗教訓，o依家同領導嘅爭論就變得「點到即止」，確定自己唔會犯大忌。 一向話支持自由市場經濟嘅佢，最近多咗一個 頭銜，叫做房地產「國策顧問」，企喺政府嗰邊幫助起草房地產市場管理文件。對比起佢喺公眾面前從不妥協嘅形象，咁樣係咪可以稱之為「見風使舵」呢？ 李 華華 [email protected] | ||||||