| ||||||
| 在街上碰到樓神 C，見佢行色匆匆，問佢做乜咁趕，佢話下午稍後時間就要去星加坡，其實係每個星期起碼三日在星加坡返工。跟住又遇到衍生工具專家G，專家G話銀行亞洲總部 設於星加坡，佢每個月都要過去匯報起碼兩至三次，因此亦係飛機常客。專家G話聖淘沙賭場開幕後，星加坡旺到不得了，港星航機班班客滿，一票難求，於是順勢 帶旺星加坡酒店生意，入住率奇高，佢住開酒店係坡紙二百五十元一晚，最近一次要畀五百坡紙住一晚，可見酒店房間之渴市程度！咦，呢啲係海鮮價，去抗議啦， 香港咪試過畀內地遊客投訴過嘅咩？不過，星加坡喎，要分莊閒，邊個做莊呀？你估係姓曾呀？ 有幾位讀者來郵大罵左丁山講「安居蝸居亂咁比 較」（四月十七日）立論不通，完全冇邏輯，佢哋認為沙田馬鞍山以前都係郊野啫，點解香港唔可以開山填海，增加土地供應。騎騎，講得啱吖，左丁山見證沙田馬 鞍山之開發，由沙田海變成沙田市區（今新城市廣場至馬鞍山市區其實都係一片汪洋，叫做沙田海，現在沙田中央公園近新城市廣場一邊就係租艇下海划船嘅地方， 划艇去到沙田第一城，已經心慌手軟），但那是以前嘅事，今時今日，要咁大規模填海，單係搞司法覆核，遷移原居民鄉村，已經會令到政府焦頭爛額！前屋宇署署 長劉勵超在二月二十五日於《信報》發表文章──〈樓價可以不高嗎？〉提出十大理由，指出香港未來必定土地供應不足，樓價不可能不上升，其中第七個理由最能 反映今日社會意識型態： 「政府勾地表裏的新供應土地，特別是在搶手的市區，多為舊政府或公共用地（如政府合署、公務員宿舍、公共屋邨），賣 一幅少一幅，若海不能填、山不能移、樹不宜伐、村不可遷、集體回憶不該毀，在未來數年，新的市區住宅用地供應要倚重東南九龍啟德機場舊址，之後是否還可以 長賣長有？」 林鄭月娥局長相信有睇過呢篇文章啩？現時香港不比上世紀七十年代初，可以填平整個沙田海而無人抗議，而係海不能填，山不應移， 樹不宜伐，村不可遷，集體回憶不該毀時代。前政府經濟師郭國全話，若要香港房屋嘅平均面積追上星加坡，可以將（一）樓宇向橫擴充一倍，或（二）大廈高度向 上升高一倍！郭兄當然係講笑性質，但香港人願唔願意？ | ||||||