📖 ZKIZ Archives

超速資產增值法 ckm001


http://hk.myblog.yahoo.com/jw!G9qPswuRGxoAjkVjcnY-/article?mid=31944


雖然未夠三百個貼，不過一樣照老規矩定時發文。我看了一則新聞，話美國家庭的總資產在去年第四季同比增加了5%，雖然美股止跌回升，但美國失 業率在去年底升上超過10%的數十年高位，而且美國樓價還是下跌，美國家庭的資產如何有這麼可觀的升幅呢? 原來資產升值主要來自樓房資產淨值回升，你們會問，樓價跌，那物業資產價格怎可回升? 看數據，物業資產淨值由US$6,222T增加至US$6,313T，按年增長5.9%，主要是因為按揭負債由US$10,315T減至 US$10,262T，美國人連工都無得做，何來還清接揭貸款呢? 其實他們是違約或宣布破產啊! 美國人有一樣野好叻，就係當違約或破產好似食生菜，面不改容。

咁你地又會問，那跟「超速資本增值法」有何關係呢? 如果你負債累累，拖欠銀行或財務公司幾百萬，只要宣布破產，幾百萬的負債就立即歸零，資產由負數百萬升值變零，那不是可以令你資產增值數百萬嗎? 你地班友仔經常希望走捷徑發達，今日我再教你一條好橋，如果你周身無蚊都唔緊要，向銀行申請一百幾十張信用卡，然後全部碌爆佢，套現出數百萬，咁就有本錢 囉! 炒期指、窩輪、牛熊證等等都需要開戶口，實在太麻煩，仲要等股價上落，邊夠快? 不如過大海，揸幾百萬到貴賓廳賭，又架勢，又好招呼，賭錢要夠豪氣，好似發哥咁，就一舖「晒冷」，落五百萬買大細圍骰一賠廿四，中就收一億二千萬，發達話 咁易，如果輸又點算呢? 唔使驚，用我個「超速資本增值法」即時宣布破產，咁幾百萬負債即刻唔使還，如果你返大陸，一定比人斬開九碌，不過在香港宣布破產，連監都唔使坐，幾年後又 係一條好漢，好過跟CKM001死揸股票，話三、五年先賺一倍，等你用完「超速資本增值法」，再破產，等到數年後翻身，長揸股票都未等到發達，方法已經教 了你，夠膽你就去試，呵呵呵!!!

以上只是笑話一則，如有類同，實屬巧合。



PermaLink: https://articles.zkiz.com/?id=14688
Next Page
ZKIZ Archives @ 2019