2010-03-10 AD
| ||||||
| 萬 眾期待、疑幻疑真的少林寺上市事件，噚日終於響兩會有明確答案！一身鮮黃袈裟look嘅人大代表、少林寺方丈兼CEO釋永信，去到邊，都俾記者喪追（就好 似粒黃豆埋咗響堆黑芝麻咁），方丈話：「少林寺永不會上市，少林寺的名稱也不會上市，這是我們一直堅守的事情，少林寺是一個精神文化信仰的場所，不是一個 商業機構！」方丈仲話：「這是件好事，如果少林寺真的被邊緣化了，我才會真正不高興。」 查實少林寺點解俾人邊緣化呢？咪皆因方丈開架80萬銀嘅跑車、讀MBA、住豪宅等咁高調又入世嘅作風囉！除咗咁，近排少林寺仲搞咗新產品「六度輪迴鞋」，雖然方丈解釋話「呢個係法物，梵蒂岡都有賣紀念品喇，好正常呀！」，根據佢咁講，人哋鬼佬咪會有「信者得救靴」囉？ 方丈：85%報道都是誤讀 如 果一切都係正常，少林寺又點解成日俾人議論紛紛呢？方丈將個波卸俾政府，佢話「這個可能是河南當地某些官員，為了發展地方經濟，才有（上市）奇怪的想法， 炒作出一個話題，也是可以理解的。」最後，方丈贈咗內地傳媒一句，「現在85%的新聞報道都是誤讀，是媒體給我下的套！」連方丈都夠膽「跣」，內地同業真 係罪過喇！ 華遠任總膽生毛狂抦發改委主任 華華年年睇兩會新聞，要數最刺激莫過於今次。有全國政協委員胡應湘大玩政治show、徐展堂突然中風、查懋聲同蔡衍明為亞視隔空開火，仲有「上海姑爺」羅康瑞同鄭家純叫煲呔曾起居屋，費事80後90後買唔到樓周圍搞搞震。 鬧張平推卸責任 內地「地產大嘴」、華遠老總任志強亦終於發威，炮轟發改委主任張平話四萬億人民幣嘅刺激經濟資金，冇一分錢流入股樓嘅講法係推卸責任，根本就係「此地無銀」。 有位老上海商人同華華講，發改委有「小國務院」之稱，老任喺「太歲頭上動土」，認真沙膽。其實老任咁嬲梗係有原因，鬼叫兩會將高樓價嘅矛頭直指地產商，仲話為官者冇責任咩。 不吐不快嘅老任仲大膽駁嘴咁講：「四萬億投資之中，不徵地、不拆遷、不擴大房屋需求嗎？不直接進入，並不等於不影響房價。」 唔鍾意皇馬褂中芯預告裁員 中央一個唔鍾意，就搞到內房周身麻煩，話樓價太高，係咁打遏佢哋買地呀借錢呀，其實，縮細嚟睇，每間公司咪又係咁。如果你老細唔鍾意你，你做咩佢都會唔like，隨時飯碗都冇埋。 好 似中芯（0981）咁，佢個COO楊士寧上場一個月咋，近排send咗封電郵俾班員工，話公司o依家要「精兵簡政」，會由上而下咁，上層管理隊伍到基層隊 伍都會嚟個「精簡」，仲講到明，「排除裙帶關係與人情影響」！公司舊年為咗台積電單官司，要嘔成2.997億美金和解費，仲要業績連蝕十季，減人手係必然 o架啦！楊生新官上任，又唔鍾意皇馬褂，佢講到咁盡，日後如果請人用人，真係要好小心，唔係又會俾人話番轉頭佢用人惟親o架嘞! 譚禮寧跳槽傳奇8個月轉3份工 有 人心驚膽顫怕冇咗個飯碗，有人就順風順水跳槽次次成功，講嘅係邊個？咪就係恒大地產（3333）前財務總監譚禮寧囉，佢前日正式加盟佳兆業（1638）， 做佢嘅執行董事兼副主席，佢份三年合約「規定」，可以拎走400萬港紙嘅董事年金，仲可以得到佳兆業唔超過2500萬股嘅股權「激勵」，真係恨死隔籬！ 響 美林亞洲出身嘅譚禮寧，跳槽經歷都好傳奇o架！舊年7月「空降」恒大地產，點知坐咗一個月唧，就離棄嗰陣就快上市嘅恒大，轉為投向深圳卓越集團嘅懷抱。事 隔半年，呢位人兄又已經跳槽去佳兆業，8個月內，咁短時間已經泊過3個大馬房，睇怕佢老兄絕對係內房股老總眼中嘅一匹fit馬！ 李華華 [email protected] | ||||||