📖 ZKIZ Archives

我要搶利是! 佟 若喬

來源: http://hkcitizensmedia.com/2015/02/24/%E6%88%91%E8%A6%81%E6%90%B6%E5%88%A9%E6%98%AF/

農曆新年一向不是我favourite的節日，要對住班一年只見一兩次的親戚，成餐飯要E起棚牙食，仲要不斷問「你幾時結婚呀？」「做咩唔帶埋男朋友黎呀？」「下年到你派利是啦喎？(夾個EMOJI奸笑樣)」絕對不是什麼味兒。算，唔出聲無人當我啞，睇電視算數。不過睇大臺，家燕媽媽繼續跳十字舞，安德尊繼續派利是，仲有一班二打碌藝員咪咀唱「好一朵迎春花」… 我desperate到轉睇亞視，剛剛出哂糧亦唔見得好有朝氣，係一班唔知咩咩會的公公婆婆，唱自己的會歌，真係咩一聲。
大臺新年節目：一班二打碌藝員咪咀唱歌
大臺新年節目：一班二打碌藝員咪咀唱歌
反觀慈母國今年的春晚，可能俾大臺同亞視的新春節目更好睇，因為再不是fun fun選，打電話送金羊，而係全國都可以起勢fing你自己個smartphone，用微信來搖紅包。方法係一路睇電視，一路搖手機，就有機會攞到贊助商的禮品及紅包，用戶仲可以搖到當時演出中明星的拜年短片，例如劉華唱緊歌，用戶就會搖到佢同你拜年，可謂相當互動。結果一晚搖手機次數高達110億次。有網友話騰訊呢個創舉將對手阿里巴巴送返去石器時代，亦造就了一個龐大的資金市場。可惜香港用戶沒有支付功能，繼去年無得玩理財通收高息，今年亦無得收發紅包，搖利是。其實香港的電視互動本是走在全球尖端，早在97年香港電訊推出互動電視iTV，當時聲稱是全球首個商業互動電視，標榜我們現時所謂的video on demand，俾你隨時隨地睇返節目、電影，仲可以購物、辦理銀行服務等。但面對當時技術未成熟，有起格等問題，用戶不足，最終2002年結束，據稱蝕了10萬。

當年香港電訊互動電視宣傳片如此慘痛經歷令多間本身有興趣做同樣業務的內容提供者卻步，不敢大舉投資，沒有再研發新技術，所以只能流於用app 或搖控互動投票等，這些其實連電視互動也稱不上的小玩意。

範冰冰都俾你搖利是?
範冰冰都俾你搖利是?
龜兔賽跑，慈母國人遲起家，但懂得結合新技術，真真正正顛覆國家，全國人對住電視搖呀搖，唔理你搖唔搖到，但這一搖將一個垂死的節目搖醒了，電視臺收到贊助，服務供應商贏了用戶群，電訊商賺了流量，觀眾歡樂過節。Mass media本應是帶動大眾啟發創意的pioneer ，但電視臺抄電視劇，抄綜藝節目，再唔係就搵d老牌歌聲唱舊歌，因循的節目唔單止令觀眾感到乏味，亦直接影響大眾吸收新事物和新概念，整個社會看同一個節目，煲同一套劇，如何激活腦袋？

佟若喬祝各位香港人，羊年創意無限，充滿智慧！

我開了Facebook, 歡迎大家add我!
https://m.facebook.com/Financetung
PermaLink: https://articles.zkiz.com/?id=132996
Next Page
ZKIZ Archives @ 2019