ZKIZ Archives


大昌罕有賠新車落地兩個月入廠四次

2014-11-06  NM
 
 

 

易手車出事風險高,但原來一手新車亦會中伏。有讀者購入全新日產Serena八人車,惟落地兩個月內已多次「撻唔着車」,甚至於行駛途中突然死火,入廠維修四次亦未能解決,總代理大昌行又不願提供代用車或延長保養期。本刊介入後,代理即一百八十度轉軚,更罕有答應更換同款全新車。專家直指損壞不尋常,亦批評售後服務不專業。

陳先生今年八月中購入日產Serena八人車,貪其內籠夠闊,令家人坐得更舒服,「一嚟八人車市面選擇不多,同埋試過車,比較過係有信心先買。」新車價值約二十七萬元,惟落地僅三星期,即發現撻車有問題,「試成十幾次,近五分鐘先着,初初第一下好震驚,好奇怪點解撻唔着。」最離譜的一次是其妻子駕車出停車場不久,新車居然在路中心死火,「對架車真係有戒心,因為如果唔安全,就好似揸住個計時炸彈,真係唔好。」陳先生先後四次送車到維修中心,但職員每次只交代更換什麼零件,卻從無交代「死因」,亦沒有提供維修單據。「你要俾到信心我揸番架車都要有相應動作補償番,架車無理由短短兩個月就有事。」

跟進職員不知壞車原因

陳先生直斥,每次維修後代理均沒有任何單據,直至第三次入廠,他要求代理提供維修記錄,大昌行旗下銷售總代理合誠汽車有限公司才以書面回覆,只簡單列出維修日期及所更換的零件,既無交代入廠原因,更沒有解釋死因。記者曾以車主身份致電大昌行,職員指六年保用期內的維修不會獲發單據及維修記錄,反要求車主自行向公關部索取。未計今次入廠,根據陳先生向大昌行索取的資料,其坐駕曾三次入廠,最長一次維修了十七日,但每次取車後數日便再入廠,陳先生最長也用不過七天,兩個月來,累積維修時間近一個月。文件亦顯示大昌維修項目愈來愈多,由最初只幫汽車重新充電,到後來更換電腦零件,甚至換上新電池及電油泵,但汽車維修後依然死火或撻不着車。記者上週陪事主到大昌行位於鴨脷洲的維修中心了解,職員表示今次維修主要是更換繼電器(relay),「呢隻係就咁㩒掣就開到,好簡單。而家已將懷疑關乎撻車的零件換過。」職員坦言至今仍不知壞車原因,只是邊換邊測試,又即場撻車以安撫事主。至於維修報告為何沒有列明死因,他指「鑑定死因就要搵公證行」。大昌至今不知壞車原因,但事主最激氣還是代理的服務態度,陳先生曾要求延長保用期、提供代用車或換新車,但都被一一拒絕,代理只肯以五百元油券作「心意補償」。

專家話更換零件不尋常

香港汽車工業學會會長李耀培估計,事件源於新車出廠時品質控制不好,又或零件質素欠佳所致,「新車唔會咁快要換呢啲嘢,好似電油泵、電池咁,肯定係三、五年後先要換,而且啲零件唔會到壞咗先去換。」他指無論是原廠維修代理甚至普通車房,交收汽車時都會有單據作實,並應列出壞車症狀、原因及已更換的零件等。他又批評大昌行維修職員指,要有公證行才可鑑定死因的講法不專業,「而家又未到打官司,未需要去公證行,只要寫清楚整咗咩同壞咩就得。」他認為除非車行證明壞車是人為所致,否則應與客人協調作相應賠償,包括延長保用期、安排代用車等。

回應大昌即承諾換新車

記者跟進投訴後,合誠上週致電陳先生,承諾更換一部同款全新車,而等候換車的數個星期內,會立即安排一部五人車代用。合誠發言人回覆本刊時強調,一直有跟進事主投訴,但對於撻車死因、缺乏維修單據、是否涉及整個批次汽車,以及應否回收等,於截稿前未有回覆,投訴人陳先生則表示,滿意大昌的安排。李耀培估計,廠方頻密維修對客人造成困擾,加上傳媒施壓,所以日產罕有換車。(陳君沛)

壹判官

大昌答應換車算係負責任,但當初唔補償客人就非常抵鬧,最緊要係快啲搵出死因,否則同款車主會嚇到無晒信心。劣劣劣(五個劣為最嚴重)

 
PermaLink: https://articles.zkiz.com/?id=118389

Next Page

ZKIZ Archives @ 2019