| ||||||
| 結 好控股（064）近期密密結盟，上個月底率先引入「細劉」劉鑾鴻，成為旗下澳門金都綜合樓項目娛樂場大樓嘅策略股東；噚日又宣佈，同時裝媒體品牌 fashiontv（FTV）結姻親，FTV透過持有購股權入股結好，若行使全部購股權之後，會持有結好擴大後股本1%。話晒第一次合作，因此噚日嘅記者 會特登搵咗一班鬼模（外地模特兒）行一場花生騷。 赴澳門outlet搞時裝展 結好主席洪漢文話，FTV同金都會喺翻新後嘅澳 門大型專賣店商場（outlet mall），舉辦一系列時裝展覽同埋活動，仲會搞「Miss Fashion TV Pageant」活動，希望帶動人流上升。成個翻新工程大約2億港銀。講番單刁，結好向FTV出售3800萬份購股權，其中1900萬份已喺上星期五 （21號）授出，每股行使價0.82港銀，同當日收市價一樣，有效期一年。結好董事王得源話，目前有外國基金對結好同埋金都項目有興趣，不過佢一再強調， 暫時未有任何策略股東落實入股，但係持開放態度，而同細劉亦都暫時未有新合作。近日市場傳出，細劉同一啲中資機構都有意入股結好，唔知下一個會係邊個呢？ 李華華[email protected] | ||||||