相距36年忘年戀 義無反顧賣樓
1 :
GS(14)@2017-09-17 12:12:50【本報訊】與太太年齡相距36年，曾幾何時，一個是大學教員，一個是學生，中大退休講師郭永昌與周豁然的婚姻，注定惹來異樣目光。65歲的郭sir不諱言，在外人眼中，這是一段「爺孫戀」，甚至是「老牛吃嫩草」，但這個教了30年大學的廿四孝丈夫，愛得義無反顧。年輕妻子一句討厭「地產霸權」，他賣走了馬鞍山的三房單位，齊齊搬進古洞簡陋鐵皮屋；東北案訴訟糾纏逾3年，他風雨不改陪伴左右，不離不棄。
照顧流浪狗牽紅線
郭永昌退休前是中大講師，任教體育科。非常愛情，萌芽自2010年。「嗰時佢入咗中大無耐，新亞圖書館夜晚10點關門，我同佢總係最後一刻先走。」月光下坐校巴下山，當時的豁然還未剃大光頭，是留了一頭長髮的甜姐兒。「你叫豁然？你有個妹妹？係咪叫開朗？」連日為愛妻奔走，一面疲態的郭sir，說起往事，臉上泛起微笑。在郭永昌心中，小女孩人如其名，豁達又開朗。「佢不時返內地貧窮村校，我有揸車，就幫佢運送啲物資。」離婚近20年的郭永昌直言其時並無想過發展忘年戀。「只係覺得呢個女仔好特別，成日去國內嘅農村生活，唔怕污糟，好捱得。」年齡的鴻溝不易衝破，只是愛情來了，還是擋不住。「嗰時我住馬鞍山，好近烏溪沙，有次一齊散步，俾隻流浪狗又吠又追，佢天生同狗有緣，冇一陣，隻狗竟然反轉肚任佢摸。佢話隻狗好瘦，不如去我度煮啲嘢過嚟餵。」這批流浪狗成了他的月老。「佢就係咁，喺街度見到流浪狗，幾污糟都會攬到實，完全唔介意，呢樣嘢我就做唔到。」豁然早前成立了「古洞（非人類）動物互助社」，為流浪貓狗尋找過渡居所。「豁然唔喺度，惟有我照顧住佢哋先。仲有出面由豁然開闢嘅嗰塊田，希望有朋友可以嚟幫手打理。」郭永昌說會盡最大努力，守護愛妻珍視的這一片土地。郭永昌指，「如果行為良好，扣減埋假期，5月4日可以出番嚟，就當係一種歷練」。他還不忘苦中作樂：「其實屋企都有個狗狗監獄，不過用嚟隔離病狗。」■記者呂麗嬋
來源:
http://hk.apple.nextmedia.com/news/art/20170904/20141947