林鄭倘當選難抗拒西環
1 :
GS(14)@2017-01-19 08:03:53【拆局】特首梁振英繼日前公開挺林鄭月娥做下屆特首，昨又借施政報告記者會，暗插林鄭對手、前財政司司長曾俊華。但有政界中人稱，林鄭明白梁的支持如同負資產，昨於電台訪問劃清界線，更自爆獲全國政協副主席董建華支持，但林鄭現時最大支持來自左派及中聯辦，「（左派及中聯辦）喺林鄭當選後，要佢繼承梁振英路線，林鄭根本冇得抗拒」。
董建華與梁同樣負面
該政界中人指，梁振英不斷公開挺林鄭倒曾，就是要外界覺得，林鄭他日成功當上特首，「佢梁振英有份擁立」，延續其影響力，「起碼令人覺得林鄭會聽梁振英意見，咁佢（梁）先會有價值」。不過林鄭應意識到梁振英的「支持」，對她來說如「死亡之吻」，更不利她爭取民望，所以據他所知，林鄭不肯照單全收所有「梁粉」，「有啲負資產想埋身，都俾佢拒絕」。而林鄭昨於電台訪問中，也公開與梁劃清界線，強調自己與梁振英是兩類人，自己從沒有用過「路線」字眼形容延續梁政策，更認為全因自己在現屆政府推動爭議政策，以致民望下滑，更自爆全國政協副主席董建華主動接觸她，游說她考慮參選，「林鄭想話畀人知，佢嘅保家唔係梁振英，而係國家領導人級嘅董建華，佢亦唔係梁繼承人」。但該政界人士笑言，在一般市民眼中，董、梁「只係五十步笑一百步」，「兩個產生嘅負面效應其實差不多，老董2.0未必比CY2.0好好多」。該政界人士更指，現在為林鄭提供最大支持，其實是來自左派及中聯辦，「?家（左派及中聯辦）出晒橫手幫佢搶選委票，唔係林鄭自己去拉，林鄭欠落呢筆政治人情債，日後就要聽佢哋話」，到時若左派及中聯辦要她繼承梁振英路線、繼續行強硬路線，「林鄭根本冇得抗拒，只可以照執行」，而從林鄭昨指不承諾不會取600、700個提名，促進特首選舉競爭，「呢個正正係中聯辦要做、港人唔想見到嘅嘢，但林鄭就完全接受晒」，難免令市民質疑林鄭「只係西環扯線公仔」，若林鄭要與曾俊華打民望戰，「喺呢個情況下，林鄭要提升民望好困難，反而下跌危機更加大」。■記者莫劍弦
來源:
http://hk.apple.nextmedia.com/news/art/20170119/19902115