| ||||||
第 12屆北京香港經濟合作會議噚日喺香港舉行,一啲稀客好似九倉(004)主席吳光正、貿發局主席蘇澤光都有畀面出席。最難得係財爺曾俊華,平時出席開幕儀 式都係致辭後,就好似公事好繁忙咁滾水淥腳走人,不過今次竟然有時間留低,完咗開幕禮後仲參觀北京市嘅簡介壁報板。既然有特區大人物到場,北京市出動政府 領導人向財爺介紹北京市整體發展規劃,後尾連一啲地區官員都拉住佢,猛咁介紹個別房地產項目,結果財爺留咗近一個鐘至走,真係畀足面。 |
| ||||||
還有個多星期就是農曆新年,上星期股市缺乏承接,港元滙價徘徊在每美元兌7.785水平,反映沒有資金流入,港股又怎會跑得遠?相信要等農曆新年後,內地資金回歸,才可見到有另一個升浪。 既然股票沒有甚麼睇頭,臨近年尾,又是大掃除時候,打開《蘋果日報》,見到一些家居大掃除廣告,每小時80至100元,就有家務助理上門清潔,筆者家中無傭人,一年一次,花費又不多。 公帑補貼公營機構可壟斷 上網找到不同服務公司的簡介,市場上除了有私人公司,竟然發現僱員再培訓局(ERB)亦有提供相同服務,價錢又比私營公司便宜差不多20%。 好像ERB這類公營機構,有公帑無限資源補貼,與私營公司競爭,就是經濟學的「crowding out effect」,最活生生的例子就是貿易發展局,以政府資源壟斷展覽業,香港展覽業漸漸被深圳、澳門趕過,貿發局壟斷是主要原因。 香港能養一大堆像貿發局般的企業,主要原因是儲備實在太多,政府不是私營企業,不應因擁有龐大儲備而沾沾自喜。聽到曾財爺要審慎理財、幫助弱勢社群的言論,真是無明火起,600億元建所謂高鐵、300億元的西九,這算是審慎理財? 尖沙嘴文化中心最近有一個達文西作品展覽,偌大的展館,人影疏落,多一個西九,只多添一分冷清,逾千億元可以幫到更多老弱孤寡。曾財爺,請回水。 Uncle Ray |
| ||||||
財爺曾俊華初頭話入6000蚊落打工仔嘅強積金戶口,結果全城喊打,其後轉軚現兜兜派錢,仍俾人鬧。其實有冇人like佢嘅方案呢?有!希慎(014)行政總裁嚴磊輝話,派6000蚊緊係好啦,市民要有現錢先可以有能力消費嘛! 不過,希慎係銅鑼灣大地主,可以立足嗰區嘅商舖都唔嘢小,唔係點頂得順高昂租金,難怪嚴磊輝話,其實政府派錢,希慎受惠程度有限,因為直接受惠嘅未必係佢哋商場target嗰批客。話晒希慎旗下嘅商場好似利園咁,名店林立,揸住6000蚊入去都唔知買到乜。 順帶一提,噚日希慎宣佈,利蘊蓮將會接替退任嘅鍾逸傑,做希慎非執行主席。自從利定昌09年10月離世後,就搵咗鍾逸傑暫代,一直到家陣,先至再由利氏家族成員做番當家,但仍然係非執行主席,唔知幾時先有個正式主席呢? |
任何國家都會存在政策傾鈄,香港自然不例外,只是在佛利民的自由經濟主義包裝下,香港的經濟政策卻習慣於向既得利益者傾斜。