黃耀明同環球講明立場
1 :
GS(14)@2016-06-21 07:39:12黃耀明前晚現身九展《樂人大招募》選拔賽擔任評判，明哥透露達明一派將會跟環球合作，問到跟國際大公司合作怕不怕出現問題？他說：「佢唔會唔知我係邊一個，好明白我嘅立場，佢哋唔係Lancôme，佢哋好清楚我係邊個，同埋我會申明我嘅立場。」明哥表示達明一派計劃開騷，至於香港的工作因政治立場受影響，他說：「都唔係好多，香港真係冇乜嘢做。」提到今次選拔賽，明哥說：「呢個係一個好有興趣嘅計劃，唔係普通音樂比賽，勝出嘅創作人同樂隊會免費去做啲工作坊，去學吓點樣建立自己音樂事業，例如點樣出版佢哋嘅音樂。」採訪、攝影：盧妹
來源:
http://hk.apple.nextmedia.com/entertainment/art/20160621/19662488
會計界選委戰 泛民 傘兵 講明踢走689 口號不用ABC 以免焗撐葉劉
1 :
GS(14)@2016-10-24 06:06:28【本報訊】負責選出新一屆特首的1,200人選舉委員會下月8日接受選舉提名，各專業界別密鑼緊鼓組班，其中有30席的會計界至少四張名單混戰，民主派聯合傘後組織擬派出較上屆逾一倍人選參選，會計界立法會前議員譚香文則另組名單力爭餘下席數，盼泛民盡攬議席，與建制派由劉麥嘉軒領軍名單決戰。消息稱會計界寧以踢走梁振英多於「ABC（Anyone But CY，除梁振英外的任何人）」為選舉口號，以免ABC承諾下或要投票撐盛傳入閘的葉劉淑儀。記者：姚國雄特首選舉委員會選舉尚有兩星期便踏入提名期，泛民今屆強攻多個專業界別；上屆以「民主會計師」名義組成的9人民主派團隊，全取9席，而剛結束的立法會會計界選舉，民主派梁繼昌得票率大幅飆升至64%，相反建制派陳弘毅得票反而下降至約36%，選戰結果為會計界民主派再下一城打下強心針。
劉麥嘉軒領鑽石名單出選
據知，民主派已和傘後組織「進步會師」等年輕人組成約21人團隊約有21人，成員包括韋志堅、蒲錦昌、原樹堂等，據知團隊已拍攝選舉照，選舉廣告上表明獲梁繼昌支持。有民主派會計師指，此隊「民主進步會計師」未必會以ABC作旗號，但會表明踢走梁振英：「唔用ABC係因為驚到時係葉劉同梁振英對決，我哋如果話ABC，咪即係要投畀葉劉？」本報昨聯絡進步會師李健恆和梁繼昌，兩人截稿前未有回覆。立法會前議員譚香文亦組民主派名單冀「包底」。譚香文指，知道獲梁繼昌支持的名單只有約20人，即使全數當選也不能盡攬議席，故她正籌組約8人團隊，冀助民主派盡取會計界30個議席，但最終派多少人參選會視乎獲梁支持的名單有多少人。她指，團隊將以「2047關注組」為名，以「踢走689」做選舉主題，她指會支持民主派候選人，但不會造王；若沒有民主派參選，名單中當選的選委寧投白票。而在民主派大舉出擊之時，建制派會計師團隊亦嚴陣以待。消息稱，建制派團隊此仗極有可能由畢馬威中國香港區稅務主管合夥人劉麥嘉軒領軍，名單主要是四大會計師行的高層。上屆他們組成鑽石名單「A16」出戰，16名參選人中15人當選，今屆盛傳該張名單多達25人。而上屆特首選舉中，劉麥嘉軒提名了唐英年。消息指，上屆會計界選委龔耀輝有意組成5至9人名單參選，有傳也會以「ABC」為主題。本報昨未能聯絡龔耀輝。
來源:
http://hk.apple.nextmedia.com/news/art/20161024/19810571
龐卓欣講明唔結婚
1 :
GS(14)@2016-11-17 11:30:37■龐卓欣與男友孫智威錫錫晒恩愛，孫智威直言拒讓女友拍床戲。
劉亦菲、上屆港姐亞軍龐卓欣與男友孫智威等，昨日於尖沙嘴出席天梭表活動，品牌全球形象大使劉亦菲排場十足，事先聲明不受訪，在台上大晒英文幫品牌賣廣告，以英語多謝品牌外籍高層，認真識做。龐卓欣與孫智威就不停晒恩愛，更咀足5次，問他們是否預演婚禮、有結婚大計嗎？孫智威說：「唔公佈住，未求婚，大家事業啱啱起步。」龐卓欣則說：「大家鍾意唔一定要結婚。」而龐卓欣將拍電影，問孫智威怕不怕女友與男演員有親熱戲？孫智威說：「心裏面一定唔想，不過佢要做都逼唔到，底線一定有，床上戲應該唔會，比堅尼係底線。」此外，陸漢洋指與苟芸慧只是朋友關係，問苟芸慧是他的女神嗎？陸漢洋表示：「我心目中嘅女神係鍾楚紅，由細到大都係。」採訪：羅慧敏攝影：葉君海
■劉亦菲（右二）多謝品牌高層，非常識做。
■陸漢洋謂心目中的女神是鍾楚紅。
來源:
http://hk.apple.nextmedia.com/entertainment/art/20161117/19836173
10月預產講明恨仔張達倫太太針灸安胎
1 :
GS(14)@2017-04-28 00:54:34【雨中攬實】■張達倫上周四陪懷孕太太在中環睇中醫後，遇正下雨卻沒帶傘。DV圖片
【中環】憑《愛．回家》上位的張達倫，跟黎芷珊分手後，去年11月與讀書時認識的陳鳳玲（Kimmy）拉埋天窗。婚禮上，他講過要盡快生仔，婚後半年果然一擊即中，上周四被本報發現和太太在中環一間專為孕婦做針灸的中醫館出現。向他求證太太懷孕一事，他大方承認：「係呀，我都準備拍片公佈㗎喇，俾你哋快咗㖭！?家3個幾、就嚟4個月喇！」
【治後飲水】■等取藥時，張達倫擔心太太口渴而斟水。DV圖片
【細心服侍】■張達倫怕太太進食時弄髒，即遞上紙巾給她抹嘴。DV圖片
■胡杏兒（中）踢爆豹嫂（右）在家不穿衣，李施嬅亦附和。
改名張震或子怡
當日張達倫夫婦現身中醫館時，Kimmy孕味不算濃，張達倫卻非常緊張，不停斟水給Kimmy飲。取藥後他們離開診所，其間張達倫怕太太被途人碰撞，在電梯從後保護，拖着她避開人群。二人步出大廈時下雨，雖然沒帶傘，但心情依然靚，更到附近一間餐廳吃龍蝦包。張達倫用餐時不時含情脈脈望太太，更細心遞上紙巾給她抹嘴。
豹嫂屋企唔着衫
同場的胡蓓蔚（豹嫂）穿上黑色魚網衫，極之搶鏡，被胡杏兒爆料說：「豹嫂屋企平時唔着衫。」李施嬅又說：「佢着白衫乜都唔着，周圍走，係豹哥講㗎！」豹嫂否認，提到一身性感打扮，她說：「有少少嘢睇吓，如果身材勁，唔適合着。」採訪：卓寶花、黃曉程攝影：羅德光、葉君海
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170427/20002586
古天樂講明唔簽唐詩詠 理由係…
1 :
GS(14)@2017-05-28 10:38:17好耐冇喺無綫出現嘅古天樂，前晚現身電視城出席《2016香港藝術發展奬頒奬禮》，賀好友游乃海奪得「藝術家年獎－電影。原來古仔今次是專登喺深圳返香港出席，同場仲有林家棟、任賢齊等人現身支持。不少資深演員如林文龍、宣萱、張兆輝同陳松伶都人都返無綫拍劇，古仔同無綫仲有合約，唔知佢又有冇計劃返去拍劇呢？古仔話：「一直都有諗，我覺得有好嘅劇本會考慮，但係一定要時間配合，因為0依家都排到密麻麻。」之前宣萱話過最想同古仔再度合作，古仔就稱：「我都好想再同佢合作，其實拍乜嘢都好，電影又好、電視都好，都要睇吓有冇遇到好劇本。」但係之前古仔話會開拍《尋秦記》電影版，有傳宣萱同林峯都會再度合作，但係古仔話：「呢啲要問導演，我都係演員嚟㗎！」曾經有報道話唐詩詠約滿無綫之後，古仔有意簽佢做藝人，不過佢好肯定話：「唔會，我都只係演員，呢啲嘢要由導演去決定。」另外，詩詠近排頻頻孖住黃翠如傾偈散心，昨日翠如又係ig放片，見到詩詠好開心咁放風箏，終於現難得歡顏，之後仲一齊睇日落，好寫意。
來源:
http://hk.apple.nextmedia.com/entertainment/art/20170528/20036528
Next Page