萌B大對決 梁浸浸好治癒羅敏莊囡天然鬈
1 :
GS(14)@2016-09-13 00:19:17梁詠琪前日帶歲半嘅囡囡Sofia行超市，樂而忘返唔捨得走。但咪以為最得意嘅星B一定係Sofia，因為佢仲有好多對手：第一個要講嘅梗係鄭希怡（Yumiko）愛女梁浸浸啦！唔經唔覺梁浸浸都接近歲半，同樣係眼仔睩睩非常得意，Yumiko不時都會更新愛女嘅相上facebook。同樣非常吸睛嘅就仲有黃伊汶同陳國坤個B仔陳真，事關佢只得半歲，已經喺潮媽黃伊汶嘅Instagram留咗好多足跡，陳真仲經常戚嘴擺pose望鏡頭，chok樣影相當有型！講到陳真，羅敏莊同陳國邦嘅囡囡都係叫陳禛，最特別係佢個髮型係先天鬈，令人印象深刻。而令人難忘嘅星B，當然仲有上過《愛．回家》嘅「馬家好」！即係徐榮個女徐心怡（包包）呢，佢表情鬼馬同時又好奇心大，係咁搣爸爸啲鬚，非常得意。另外「至索主播」蔡雪瑩嘅B仔都係一樣搶鏡，當時B仔啱啱出世包到實，但就已經識玩口水波，好搞笑。
來源:
http://hk.apple.nextmedia.com/entertainment/art/20160912/19767968