ZKIZ Archives


太子爺玩「以物易物」

2013-04-04  NM
 
 

 

「以物易物」,這種「古老變時興」的玩意,原以為是社企造福人群、師奶用以自強的慳錢大法或者純為環保,似乎不可能是一盤生意,但今次故事主角洪康裕(Louis)卻反其道而行之。

他有酒樓太子爺不做,去年開設以物易物店Clover,靠招收會員賺會費,他滿有希望地說:「呢個絕對可以係一盤賺錢嘅生意!」現實是,這盤生意開咁耐蝕咁耐,每月營業額得數千元,甚至不足以支付租金。不願靠父親,為了實現這個生意夢,他租住二百呎蝸居,每日捱麵包,靠積蓄支撐過去:「依家已經有二百零六個會員,只要夠三百個,就可以收支平衡。」Louis說。

甫進觀塘駱駝漆大廈的Clover,擺設與商場的時裝店無異。冬天過去,Louis開始替店內的衣服換季,把過百件女士春裝及短袖衫都掛上衣架,放在鋪頭當眼處,男裝則有Fred Perry 的手挽袋,Hugo Boss的領帶及A&F的恤衫。鋪內有個透明的飾物櫃,戒指、頸鏈什麼類型都有;射燈照着鋪頭的另一角是圖書角,有Harry Potter英文小說、也有經典漫畫足球小將,甚至有英文字典。

要得到以上的貨品,並不是用錢可以買到。Louis把所有金錢化做CP(Clover Point),會員提供貨物可獲得CP,而拿走物件便扣除CP。無論提供或拿取衣服,都是兩個CP,飾物、書本則一個CP。因此無論會員換的是名牌袋抑或雜嘜布袋,「價格」都是一樣。對於會員來說,有些物件價值較高,他們不願意用一、兩個CP就把它「賣」掉,故Louis讓會員寄賣,由會員自行定CP,好像店內一個Marc Jacobs手袋,物主定價八百個CP「出售」。而Louis則每件貨品收取五十元的寄賣費,讓會員擺放貨物在Clover寄賣一個月。

賺錢靠會費

事實上,這裡貨物的價值高低,與Louis賺多賺少無直接關係,他賺的是會員「check-in」(到訪)費。Clover提供五種不同日數的會籍供會員選擇,由最平八十五元三日,至六百蚊三十日,即平均每次check-in 二十多元,會員每check-in一次就扣一日。「好多會員一開始會揀三日試吓先,之後多數會轉一百六十八蚊七日。」他亦推出較貴的二千蚊五十日,平均每次收費達四十元,買這類會籍的客人,一開始獲贈二十個CP,然後每次check-in送四個CP,及「換一送一」。「雖然貴,不過都有兩個會員用緊,佢哋開業以來每星期都上嚟三,四次,除番勻都抵。」Louis說。要靠會員check-in賺錢,故Louis不會把物件拍照放上網,要會員親身上來,好像尋寶般期待是否有「靚嘢」。「試過有人拎過條好靚嘅伴娘裙嚟,又有人拎過個LV散紙包,不過呢啲都好快俾人換走咗,睇吓好唔好彩遇到。」不過,Louis補充:「尋唔到寶,都要照收check-in費。」他亦要確保店內有足夠的物件讓會員尋寶,因此不論是衣物、飾物及書本,「只要乾淨、完整、沒有異味我哋就收o架喇。」記者見鋪內過千件貨品,連參加旅行團送的旅行袋、扭蛋的軍曹吊飾、馬會出版的非賣品書仔都有,十分「騎呢」,不過Louis卻不認同:「我哋覺得無價值嘅嘢,總有人睇到佢價值。」現時平均每日有七、八個會員check-in。客人陳小姐上週六到訪Clover,一口氣換了廿件飾物,她說:「我好多朋友都唔信可以換到咁新嘅嘢。」

易物玩法1. 買會籍

客人如要參與以物易物,必須先入會,可選擇買3日($85)、7日($168)、14日($308)、30日($600)或50日($2,000)。每check-in(到訪)一次,就扣一日;會員最少兩個月要到訪Clover一次,否則賬戶會被凍結,激活賬戶須付一百元。到訪時須出示會員卡作登記及記錄,便可自行在Clover中「尋寶」。

2. 換CP

會員可把不需要的物品,包括衣物、飾物及書籍,帶給Louis仔細查看貨物的狀況。被畫花或是簡體字的書本,Clover都不會接收。若他收貨,會員便可以換取CP(Clover Point),每件衣物可換到兩個CP,飾物及書則一個,會員每次可帶來最多二十件貨品。

3. 易物扣CP

看中店內的貨品後,可以手頭的CP換取,會員每次可換走的貨物上限亦是二十件。由於Clover不會提供膠袋,所以客人要自備環保袋。假如該次check-in看不中貨物,亦須扣一日會籍日數。這名會員孫小姐從港島過來,一次過以手上CP換了多件衣服。

三百會員才回本

開業十個月,現時收到二百零六個會員,假設每個會員平均購買一百六十八元的七日會籍,他可有三萬四千多元營業額;惟現實非每個會員都每月續會,以上個月為例,只有四十多個會員續買會籍,故他只有八千元營業額,更不足以支付一萬二千元的租金。Louis為了達到收支平衡,暫時以收到三百位會員為目標。「三百個會員,俾佢哋每兩、三個月續會一次,我每個月都有萬幾蚊收入。」而他的如意算盤是達三百個會員之後,每月有多四十位新會員加入,就開始有錢賺。他深明這種新的生意模式,難以短時間有錢賺,不過相比剛開業,自覺進步不少,他說:「開咗業頭半年時,都仲係得三十位會員,曾經有一刻我擔心會捱唔住。我預計最壞情況係第九個月都無增長,就會摺埋。試過有個月,只有二百六十三元的收入。好彩,去到第七個月左右就有五十幾個會員。」雖然每個月要自墊營運費用,但他淡定的說:「其實我無咩風險,只須擔心租金同水電費,只要會員人數保持增長就無問題。」

會員多有矛盾

Louis最近新增可交換DVD及計劃推出換領食物券,要參加較貴的會籍計劃才可參與交換。「原本打算做埋CD,但怕客人拎咗返去燒咗隻碟之後又拎返嚟,會積壓好多CD喺鋪面。」Louis為了增加貨品吸引力,亦會接受贊助,例如陳列在店中價值一百個CP的洗奶樽機便是由其開廠的表哥贊助。Louis一方面扭盡六壬增加會員人數,但事實上又擔心一次過有太多新會員,會不勝負荷,最大問題是不夠地方放置物件,現時店鋪八百呎地方面積,已用得七七八八,所以他限制會員每日最多只可提供及換取二十件貨物,至今Clover仍沒有公司網站,只以facebook為主要宣傳途徑。

住唐樓捱麵包

Louis出身小康之家,高中讀的是國際學校,再到美國夏威夷讀大學。畢業後,父親叫他回旗下酒樓幫手,他本來可「印印腳」做太子爺。但想創一番事業的他,打算改革酒樓,卻處處碰壁。「得唔到老臣子同阿爸嘅認同,阿爸成日話我十年後就會明白,但我當年已經廿七歲,真係等唔到十年。我做咗三年幾,都無乜作為,亦無信心揹起近六十人嘅飯碗。」而兩年前,適逢業主加租及父親已到退休年齡,於是把酒樓頂手出去。 Louis亦自行創業,不過直到現時為止,他的父母仍不明白他在做什麼。「佢哋上過嚟,見無咩人氣,好驚我做唔住。阿爸到依家都唔明我做緊咩,好擔心咁問過我其實有無會員入會。自細喺佢哋眼中我都係古靈精怪,不過佢哋都無反對。」Louis希望表現獨立一面,不願靠家人,早與女友搬出來住。他的二十萬元積蓄已預備支付鋪頭營運開支,他唯有節衣縮食。別看他一身潮人打扮,這十個月來,他每天只用三十七元八角。每日來回旺角住所及觀塘的巴士,一程六個九,來回共十三個八;回公司途中在麵包店買三個菠蘿包,共十二元,晚餐在家煮意粉吃,成本十二元,Louis連剪頭髮也是由自己操刀。為的,就是延長Clover的壽命。

開業資料

(05/2012)租金 $12,000按金 $36,000裝修 $42,000開支 $90,000

營業資料

(02/2013)營業額$8,000租金$12,000雜費$4,000虧蝕$8,000

一點意見

《創業起義》主要收錄香港高登及Baby Kingdom等六大香港網站創業心法,他曾是《蘋果日報》財經版專欄作家及知名博客。尹思哲認為Clover開業尚未夠一年,現在定成敗是言之尚早。但坦言,Clover的發展速度太慢,要考慮善用網上資源。「佢唔設立自己網站好浪費,既然佢哋知道目標客人會上網,應該喺網上收會員及會費。佢哋唔一定所有嘢都要擺晒喺鋪頭做,由客人上facebook見到,到去佢哋鋪頭入會個時間太長,會流失好多客人。喺網上盡快吸納有興趣嘅人做會員先,會唔會真係俾錢玩係後話。」他認為Clover於用盡後備資金一半之前,要考慮轉型。「千萬唔好燒到尾先諗斬纜。例如考慮將業務重心搬上網,間鋪只係用嚟做支援,擺貨用。」

壹週刊fans club facebook

即上「壹週刊 fans club」睇片!

PermaLink: https://articles.zkiz.com/?id=54242

Next Page

ZKIZ Archives @ 2019