黎燕珊張立基感激邱德根
1 :
GS(14)@2016-02-08 03:00:09亞視前執董葉家寶見證過亞視光輝歲月,當年參與過邱德根創辦的《亞洲小姐競選》和《未來偶像爭霸戰》而獲封「亞姐之父」,葉家寶自豪說:「兩個大型晚會都喺紅館舉行,好犀利!」黎燕珊和張立基分別是首屆亞姐和《未來偶像》冠軍,二人均感激邱德根敢於創新精神,造就他們在娛樂圈屹立至今,黎燕珊說:「選亞姐真係攞咗好多經驗,除咗係志願,獎金獎品仲好豐富。」張立基則說:「以前攞完個冠軍就俾人彈唔掂,當時未學過唱歌,知道只係比賽形式令我突圍取勝,之後就落更多苦功,相信唔係參加呢個比賽,我可能已經退咗休。」
來源:
http://hk.apple.nextmedia.com/entertainment/art/20160205/19479975
黎燕珊戥亞視員工陰功
1 :
GS(14)@2016-02-08 03:25:25黎燕珊和吳業坤昨日在灣仔出席活動,亞視仍欠薪,黎燕珊也替現時的工作人員擔心,她說:「年近歲晚都戥佢哋可憐,好陰功,都唔知坐呢個過山車幾時停,快有個了斷。希望快啲出糧,員工唔使皺住眉頭過年,希望順利出到糧。而家畀支票都冇用,銀行閂門,要押送現金。」吳業坤稱新年用一天時間拜年,其餘時間用來睡覺,問他會否派利是,他說:「應該唔會,但應該會畀姪仔、姪女,因為姪仔啱啱出世,好意頭要派。發現自己大個,連表哥都有BB。」黎美言(Winkie)否認老闆諸葛梓歧怒炒黃倩婷,並恭喜對方新婚快樂。採訪:王連連攝影:陳慧安
來源:
http://hk.apple.nextmedia.com/entertainment/art/20160206/19481684
仁美團拜黎燕珊爆喊
1 :
GS(14)@2016-03-06 03:14:33亞視是否提早熄機仍在膠着狀態,一班昔日亞姐包括黎燕珊、呂晶晶和吳夢婷等昨晚到灣仔出席「仁美清叙」新春團拜,其間黎燕珊忽然激動落淚,不停用紙巾印乾眼淚。她說:「咁快又一年,今年心情係開心又複雜,邱先生(亞視前董事局主席邱德根)咁多年嘅基業就咁就冇咗,冇可能一個電視台會搞成咁。雖然話亞姐會成為歷史,但舊嘅唔去新嘅唔嚟。其實我覺得司先生(亞視投資者司榮彬)其實拎錢出嚟都係一番心意,想搞好佢,雖然唔夠一個月,總之成件事都係一個悲慘嘅結局。」昨晚一班亞姐聚首一堂,但身為前港姐亞軍的朱慧敏卻離奇現身,她指自己是以禮物贊助商身份出席活動。採訪、攝影:盧妹
■呂晶晶昨晚露背現身,成功搶鏡。
■「仁美清叙」昨晚舉行新春團拜,眾亞姐現身支持。
來源:
http://hk.apple.nextmedia.com/entertainment/art/20160305/19516890
黎燕珊讚囡囡男友
1 :
GS(14)@2016-05-08 01:56:21■黎燕珊昨與22歲女兒Wynce母女檔出席手錶活動。
黎燕珊和22歲女兒劉詠詩(Wynce)昨日到旺角出席天梭錶活動,Wynce為媽咪揀選手錶及獻吻預祝母親節。珊姐表示5月是子女表孝心的日子,因為除了母親節之外,本月20日亦是她的生日,Wynce預告已準備驚喜送給媽咪,珊姐就說:「我哋經常交換扮靚心得,個女好欣賞我堅毅精神,每日keep住做半小時帶氧運動。」現時任職空姐的Wynce,有一位感情穩定的男友,珊姐大讚囡囡的男友上進、有禮貌、敦厚及踏實,她說:「不過我同佢講要好好享受人生,而家係人生最燦爛嘅時候,拍拖係好,係健康生活圈子,只要係理智,凡事諗吓媽咪、細佬同後果。」採訪:黃曉妍攝影:葉君海
來源:
http://hk.apple.nextmedia.com/entertainment/art/20160505/19597996
Next Page