與的士相撞 女乘客送院蔡思貝涉危駕 炒車片曝光
1 :
GS(14)@2016-07-12 08:15:46■蔡思貝於上周五晚出席活動時，表示當日下午發生車禍，被玻璃碎所傷。
【爆相爆片】現年25歲的港姐蔡思貝疑再涉危險駕駛！上周五她駕車途經金鐘時，因不熟路跟的士發生碰撞，自己全身都是玻璃碎；前日讀者Andy透過本報的「爆相爆片」，提供蔡思貝炒車片段，當時她駕車疑夾硬右轉，導致被的士攔腰相撞，警方指的士女乘客不適送院，列交通意外有人受傷處理。
蔡思貝去年4月曾考牌「肥佬」，最終仍考獲車牌，惟今年短短4個月之內，她被揭連環發生涉危險駕駛事件，繼3月仍是「P牌仔」的她，駕駛甲蟲車由筲箕灣到灣仔，竟邊揸車邊舉手機出車外，拍攝男友麥秋成騎電單車的英姿後，上周五（8日）她獨自駕車路經金鐘夏愨道時，再次涉嫌危險駕駛，與的士相撞，幸而她只被碎玻璃割傷！
直線突然轉右
車禍當日，傍晚蔡思貝如常出席活動，遲了45分鐘才現身的她，自爆在途中發生交通意外：「我唔係咁熟路，同架的士有啲碰撞。」問是否座駕撞的士？她表示：「大家一齊撞，我唔係太清楚。我架車嘅玻璃碎咗，我有割傷少少流血，有上救護車，有警察同消防經過幫我手，我都要加鐘學睇地圖。」
【兩車直行】■讀者Andy向本報提供車cam片段，見當時蔡思貝（紅圈示）及涉事的士正在兩條行車線直行。
【駛至燈位】■行在中線的蔡思貝準備入夏愨道。
【夾硬右轉】■蔡思貝過了燈位突然轉右。
【攔腰相撞】■原本行在右線的的士收掣不及，撞向蔡思貝座駕。
然而，讀者Andy前日透過本報的「爆相爆片」報料，提供當日蔡思貝與的士相撞的車cam，從片段所見，蔡思貝駕駛的甲蟲車，由金鐘紅棉道駛去灣仔時，原本只可直路駛往告士打道，但她在燈位突然轉右，與鄰線直行的的士相撞。Andy在電話說：「我諗人哋架車肯定loss，雖然佢畀的士攔腰撞，不過係佢引起，隔鄰仲有條線，唔可以轉右，大家有番咁上下車速，佢好彩輕傷，如果嗰架係巴士或貨車點算，佢係攔腰俾人撞！」昨蔡思貝在社交圈貼跟孫慧雪慶祝生日相，似乎已將撞車事件拋諸腦後。
【今年3月】■月前蔡思貝在公路邊揸車邊舉手機出車外，為騎電單車的男友麥秋成拍片。資料圖片
最嚴重要入獄
昨日本報向警方查詢，警方表示交通意外發生於8日下午4時許，地點是夏愨道近添馬街，一輛的士跟私家車相撞，29歲的士女乘客受傷送瑪麗醫院，列作交通意外有人受傷處理，男的士司機姓李50歲，私家車女司機姓蔡，案件仍在調查中。對於警方列交通意外有人受傷處理，昨日蔡思貝透過短訊回覆：「不方便回應，謝謝！」黃國桐律師昨在電話說：「佢（蔡思貝）最少係不小心駕駛，原則上要扣5分，睇不小心程度同駕駛者態度，初犯要扣分加罰錢，嚴重罰幾千元，最高監禁6個月，但一般來說判監機會不大。」採訪：皓騫、王梓嫚、嵐山
來源:
http://hk.apple.nextmedia.com/entertainment/art/20160712/19690579
與的士相撞 女乘客送院蔡思貝涉危駕 炒車片曝光
1 :
GS(14)@2016-07-12 22:08:10■蔡思貝於上周五晚出席活動時，表示當日下午發生車禍，被玻璃碎所傷。
【爆相爆片】現年25歲的港姐蔡思貝疑再涉危險駕駛！上周五她駕車途經金鐘時，因不熟路跟的士發生碰撞，自己全身都是玻璃碎；前日讀者Andy透過本報的「爆相爆片」，提供蔡思貝炒車片段，當時她駕車疑夾硬右轉，導致被的士攔腰相撞，警方指的士女乘客不適送院，列交通意外有人受傷處理。
蔡思貝去年4月曾考牌「肥佬」，最終仍考獲車牌，惟今年短短4個月之內，她被揭連環發生涉危險駕駛事件，繼3月仍是「P牌仔」的她，駕駛甲蟲車由筲箕灣到灣仔，竟邊揸車邊舉手機出車外，拍攝男友麥秋成騎電單車的英姿後，上周五（8日）她獨自駕車路經金鐘夏愨道時，再次涉嫌危險駕駛，與的士相撞，幸而她只被碎玻璃割傷！
直線突然轉右
車禍當日，傍晚蔡思貝如常出席活動，遲了45分鐘才現身的她，自爆在途中發生交通意外：「我唔係咁熟路，同架的士有啲碰撞。」問是否座駕撞的士？她表示：「大家一齊撞，我唔係太清楚。我架車嘅玻璃碎咗，我有割傷少少流血，有上救護車，有警察同消防經過幫我手，我都要加鐘學睇地圖。」
【兩車直行】■讀者Andy向本報提供車cam片段，見當時蔡思貝（紅圈示）及涉事的士正在兩條行車線直行。
【駛至燈位】■行在中線的蔡思貝準備入夏愨道。
【夾硬右轉】■蔡思貝過了燈位突然轉右。
【攔腰相撞】■原本行在右線的的士收掣不及，撞向蔡思貝座駕。
然而，讀者Andy前日透過本報的「爆相爆片」報料，提供當日蔡思貝與的士相撞的車cam，從片段所見，蔡思貝駕駛的甲蟲車，由金鐘紅棉道駛去灣仔時，原本只可直路駛往告士打道，但她在燈位突然轉右，與鄰線直行的的士相撞。Andy在電話說：「我諗人哋架車肯定loss，雖然佢畀的士攔腰撞，不過係佢引起，隔鄰仲有條線，唔可以轉右，大家有番咁上下車速，佢好彩輕傷，如果嗰架係巴士或貨車點算，佢係攔腰俾人撞！」昨蔡思貝在社交圈貼跟孫慧雪慶祝生日相，似乎已將撞車事件拋諸腦後。
【今年3月】■月前蔡思貝在公路邊揸車邊舉手機出車外，為騎電單車的男友麥秋成拍片。資料圖片
最嚴重要入獄
昨日本報向警方查詢，警方表示交通意外發生於8日下午4時許，地點是夏愨道近添馬街，一輛的士跟私家車相撞，29歲的士女乘客受傷送瑪麗醫院，列作交通意外有人受傷處理，男的士司機姓李50歲，私家車女司機姓蔡，案件仍在調查中。對於警方列交通意外有人受傷處理，昨日蔡思貝透過短訊回覆：「不方便回應，謝謝！」黃國桐律師昨在電話說：「佢（蔡思貝）最少係不小心駕駛，原則上要扣5分，睇不小心程度同駕駛者態度，初犯要扣分加罰錢，嚴重罰幾千元，最高監禁6個月，但一般來說判監機會不大。」採訪：皓騫、王梓嫚、嵐山
來源:
http://hk.apple.nextmedia.com/entertainment/art/20160712/19690579
蔡思貝負評多捲入假學歷事件兼涉危駕
1 :
GS(14)@2017-07-01 09:53:4026歲嘅蔡思貝係2013年港姐亞軍，當選後即被大台力捧，除此之外，佢仲係新聞人物，唔止喺娛樂版見到佢，甚至喺港聞都見到佢嘅新聞，其中仲有唔少係同車有關，睇嚟佢真係一黐到車就冇好嘢，麻煩纏身。
疑似假學歷事件
2015年《蘋果》踢爆國力書院事件，而當中仲牽涉到一位港姐，唔使問，講得嘅就梗係蔡思貝啦！佢被踢爆喺2013年10月即係當選港姐冇耐，透過國力書院報讀菲律賓比立勤國立大學嘅工商管理學士課程，仲喺11月完成該課程，兼係兩個月後就畢業兼拎埋證書。雖然喺佢嘅入學報名表嘅報名日期同比立勤國立大學所發出的課程紀錄都列佢大約喺2010年2月至3月入學，不過喺2010年蔡思貝正喺德國留學，直到2013年先至返港。之後，蔡思貝再被踢爆透過國力書院報讀美國威斯康辛州協和大學嘅工商管理碩士課程，而幫佢撰寫推薦信嘅公司東主Tong Suet Ha疑似係其母，而信中未有申報佢哋嘅關係。
邊揸車邊影相
喺去年3月，當時仲係「P牌仔」嘅蔡思貝同男友麥秋成去筲箕灣攞電單車，而當麥秋成同老友DJ朱薰嘅老公譚健榮一齊揸車遊車河時，蔡思貝就揸住架深藍色甲蟲車尾隨，而係行駛途中蔡思貝仲多次拎住手機伸出車外影男友揸電單車，牙煙到呢！
車牌前後有別
喺早前有報道指蔡思貝嘅車上面車牌號碼前後不一，前車牌最尾個數字由「6」變咗「9」，而當時蔡思貝就解釋話係之前拎車去整，車房老闆份人好好，見蔡思貝車牌刮花咗，就幫佢換咗個車牌，點知換咗一個錯嘅數字上去，而蔡思貝自己都唔知道，亦冇檢查車牌。
來源:
http://hk.apple.nextmedia.com/entertainment/art/20170629/20072837
Next Page