📖 ZKIZ Archives

澳門賭業娛樂猛人周焯華（外號洗米華）被踢爆密會天使妹劉俐（藍莓），事後被指收25萬過夜價的藍莓解釋當晚上酒店純粹傾合作。日前周焯華在澳門搞大派對，慶祝踏入39歲生日，斷正的藍莓出局，不過跟她一樣身材行先的模包括「向西妹」張暖雅、早前捲入模姦劫事件的 Lavina（鍾蕙芝），以及許穎師妹 Keiko跟 Bonnie則受到「寵召」，四女更奉命著性感比堅尼賀壽，在場內做人肉布景任影任攬。飲大兩杯的洗米華愈玩愈投入，在舞池興奮剝衫，跟模鬥露。

High爆被圍剝衫

剝完再著
只准著三點式

上週四（五月三十日）晚，周焯華在澳門 MGM包場搞三十九歲生日派對，務求出席派對的賓客玩得開心又放心，壽星包下三樓全層及泳池，到場人士要核對邀請卡外，現場還有數十名保安候命。約下午五點左右，負責做派對搞手，安排節目的導演錢國偉，已經帶住大班工作人員出現。
「華哥（周焯華）好鍾意熱鬧，以往佢開 party都鍾意搵歌手唱歌助興，最緊要中英文歌都識唱，不過今次生日就冇人唱歌，華哥講明想大家都玩得開心，所以現場氣氛好重要，除咗有 DJ打碟，喺池邊又搭咗個舞台，就算啲人突然想跳落泳池游水都得。嗰晚請返嚟搞氣氛嘅模，除咗要同啲嘉賓合照，仲要著 bikini，配合番 poolside party嘅主題，所以佢哋揀嘅模都一定要有波有籮。」知情者說。


在舞池中央擺放洗米華的露肌人形紙牌，一班娛賓模負責企在紙牌旁邊影相，事前更將壽星男的紙牌放在中間，齊晒身材。


除咗有模搞氣氛，導演肥 Wil亦搵來一班性感女郎跳舞助興，其間吸引唔少嘉賓影相。

超盈（左二）、超欣（左一）著熱褲背心跟住四太出席派對時，配合熱辣辣主題。

李思捷當晚都有出現 MGM，但並不是出席派對而係跟女友春卷到澳門爆房。

場內擺有洗米華扮封面人物的雜誌。

門口迎賓位置放有他扮 Iron Man、占士邦同 M:i-2的人形公仔。
禁藍莓入場

當晚被選中的 bikini女包括擁有導彈的張暖雅、 Lavina以及零知名度，但出道一味 sell身材的許穎師妹 Bonnie同 Keiko，接 job價五萬。
做人肉布景板的四波女，下午已經到酒店，準備六點入場等客到。四女一字排開，企在放了洗米華露朱古力肌人型紙牌的泳池旁，任由賓客攬住影相。
玩足粒幾鐘，差不多滿足晒現場賓客，四女才夠膽行開搵嘢食醫肚。
「之前同藍莓一齊俾人影咗相，華哥好唔高興，雖然佢有唔少圈中朋友，但冇諗過自己會做封面人物。身邊做嘢嘅人唔想節外生枝，事前已經通知藍莓唔好蒲頭，因為藍莓好鍾意不請自來，大家驚佢會突然出現，所以預先同佢講定。今次生日派對娛樂圈人唔多，薛凱琪同小肥都冇去澳門同老闆賀壽，反而四太帶住超欣、超盈一早就到，真係好俾面。」知情者說。


太陽娛樂一周年搞慶祝活動，當日除 Fiona、小肥、李丞責等藝人外，幕後高層只有 Paco出席，未見真正老闆洗米華現身。

藍莓跟洗米華在澳門密會，洗米華被逼人氣急升，藍莓更驚青表示二人談工事。

Da Da拍《低俗喜劇》後，模升呢做最佳女配角，入行十多年的鄭中基亦終於有獎攞。


太陽娛樂要在香港影壇分一杯羮，近日又投資開拍葉念琛執導，沈震軒跟莊思敏合作的溝女電影。

《低俗喜劇》令鄭中基及 Da Da取得最佳男配角及女配角外，低成本港產片亦因而再度翻生。
除衫露肌


洗米華計劃大搞，有指太陽娛樂重金招攬新人王許廷鏗過檔。

全晚被朋友輪住隊，大約十點多，飲足兩粒鐘的洗米華要人扶實走出舞池， high爆的他在朋友簇擁下，在舞池又叫又舉手，其間友人玩得興起，想除他身上的白恤衫，加上身邊人不斷起哄，洗米華最後自動自覺剝衫，露出一身古銅肌肉，只見他剝完又著，著完又剝，玩足五分鐘，最後由保鏢傍住入番室內休息。
對於周焯華生日派對被禁入場，藍莓驚青回應：「人哋生日唔關我事。（會唔會同佢補祝生日？）我而家做緊嘢，唔方便講。」隨即匆匆掛線。
踩入娛樂圈

近年在澳門賭業崛起的周焯華，是黑幫教父尹國駒（崩牙駒）徒孫，以網絡賭業起家，○七年起，至今已擁有二十多個賭廳，也是兩家上市公司主席，身家數十億計。 11年，洗米華擴張事業版圖，踩入娛樂圈拍電影，成立太陽娛樂，去年投資多部電影，其中由彭浩翔執導的《低俗喜劇》，票房大收三千多萬，更連奪最佳女配角及最佳男配角獎。
富豪點心

富豪開心活動，錢不是問題，最緊要花臣多！有飲有食，但性感肉女始終是不可缺的「點心」，造就一眾 model多了一個搵食平台。
三亞海天盛筵

今年四月，海南島三亞舉辦五日四夜的「海天盛筵」，以 25億人仔打造的 45米加長版豪華遊艇作為地點，吸引中港台富二代、過萬名 VIP貴賓參與，要出動 200架私人飛機接載，圈中名人如孫興、張靚穎、小 S老公、楊子及黃聖依等被指亦有份參加，派對有過百 model如內地車模孫靜雅，肩負娛賓之責。
香港海上 P

比起三亞富豪 P，去年七月，數名強國富二代組成的香江遊艇 P，「規模」細得多，但亦出動十艘遊艇，在海上接龍搞大型水上舞池，當日模人數過百，藝人莊思敏及富豪李家誠的前女友 Deon在場外，廣州市長黎子流兒子黎亮及與劉嘉玲傳緋聞、身家過百億的景百孚也是座上客。

餅女楊愛瑾（Miki）跟永安百貨太子郭永淳拍拖後，因男友與前妻伍智恒的感情糾紛未了，Miki亦刻意低調；直至去年底，郭永淳與前妻在法庭上解決了贍養費問題後，Miki才重新活躍，簽了新公司，連拍兩套無綫劇，八月拍電影做女主角，下月書展又出書加單曲。水著晒身材，28歲的Miki，仲睇得吓！無錢交租

楊愛瑾○八年與永安百貨太子郭永淳撻着時，正值男方與前妻為辦離婚的問題拉鋸中，捲入三角關係的Miki，更被指為第三者，令形象大打折扣。「嗰段時間Miki情緒好低落，佢哋開始嘅時候，阿淳已經搞緊離婚，所以唔關Miki事，但啲報導就話佢係第三者，仲影響埋接job，嗰陣佢成日匿喺屋企，唔願出街唔見人。「外面啲人成日以為阿淳屋企好有錢，其實佢老豆只係永安百貨非執行董事，仲退埋休，冇控制永安百貨嘅控股權同決策權，手上只係得0.05％公司股份。阿淳讀書叻，自己出嚟做嘢賺錢唔係富二代，當時身邊嘅朋友同屋企人都知道件事係點，Miki甚至試過連屋租都俾唔到，要問屋企人借錢交租，但出面啲人就話佢跟咗個有錢人唔使做。」Miki身邊好友說。

洗底入屋

入行十年的Miki，○九年與金牌大風解約後簽約種星堂，三年來只偶然出席商業活動，去年滿約後，Miki見自己再過兩年便三張，不能再磋跎歲月，於是再轉公司，重新出發。「悅目影畫係間新嘅電影公司，同安樂電影有關係，最緊要係公司俾到信心Miki，鋪路安排拍無綫劇集洗底，嚟緊書展會出文字相片集，仲整多隻單曲隨書附送，有歌可以幫到接內地登台job，公司八月會開套戲，佢做女主角，有晒全盤計劃所以Miki會搏到盡，珍惜今次機會。」

失敗中學習

新歌已經錄好，新書亦接近完成階段，Miki早前獲泰國旅遊發展局安排，到當地拍攝新書相片，造型多之餘，亦不乏性感。「書入面嘅內容係呢幾年自己嘅經歷，價值觀、感情觀唔同咗，過去十年工作起起跌跌，我踏入社會後遇到嘅問題，喺失敗中又學到啲乜都會有；我一方面想同大家分享，另一方面又想大家了解我多啲。至於啲相，尺度OK啦，健康嘅性感，唔係刻意暴露，有好多唔同造型，到時大家就會睇到。」Miki說。

歌手片